ជនគណនា 31:53 - ព្រះគម្ពីរបរិសុទ្ធកែសម្រួល ២០១៦ (រីឯពួកទាហានវិញ ម្នាក់ៗបានយករបស់ដែលរឹបអូសបានទុកសម្រាប់ខ្លួនឯង) ព្រះគម្ពីរភាសាខ្មែរបច្ចុប្បន្ន ២០០៥ រីឯពលទាហានវិញ ម្នាក់ៗបានរឹបអូសយកជយភណ្ឌទុកសម្រាប់ខ្លួនឯងផ្ទាល់។ ព្រះគម្ពីរបរិសុទ្ធ ១៩៥៤ ដ្បិតពួកទ័ពបានចាប់យករបស់ទាំងនោះទុកសំរាប់ខ្លួនគេ អាល់គីតាប រីឯពលទាហានវិញ ម្នាក់ៗបានរឹបអូសយកជ័យភ័ណ្ឌ ទុកសម្រាប់ខ្លួនឯងផ្ទាល់។ |
កាលព្រះបាទយេហូសាផាត និងប្រជាជនរបស់ស្ដេចបានទៅដល់ ដើម្បីរឹបអូសយកជ័យភណ្ឌ នោះគេឃើញមានហ្វូងសត្វយ៉ាងច្រើនសន្ធឹក មានទាំងរបស់ទ្រព្យ សម្លៀកបំពាក់ និងវត្ថុដ៏មានតម្លៃជាច្រើន ហើយគេប្រមូលទុកសម្រាប់ខ្លួន រហូតទាល់តែយកមិនរួច។ គេនាំគ្នាប្រមូលអស់រយៈពេលបីថ្ងៃ ព្រោះជ័យភណ្ឌទាំងនោះមានច្រើនពេក។
ឯជ័យភណ្ឌក្រៅពីអ្វីៗដែលពួកទាហានរឹបអូសយកបាន សរុបទាំងអស់មានចំនួន ចៀម ៦៧៥ ០០០ ក្បាល
មាសទាំងអស់ដែលគេបានថ្វាយ ជាតង្វាយដល់ព្រះយេហូវ៉ា គឺពីពួកមេបញ្ជាការកងពាន់ និងពួកមេបញ្ជាការកងរយបានថ្វាយ មានទម្ងន់មួយម៉ឺនប្រាំមួយពាន់ប្រាំពីររយហាសិបសេកែល។
កូនចៅអ៊ីស្រាអែលនាំស្ត្រីសាសន៍ម៉ាឌាន និងកូនតូចៗរបស់គេមកជាឈ្លើយ ហើយគេយកហ្វូងគោ ហ្វូងចៀម និងទ្រព្យសម្បត្តិទាំងអស់ទុកជាជ័យភណ្ឌទៀតផង។
តែឯស្រីៗ កូនក្មេង ព្រមទាំងហ្វូងសត្វ និងអ្វីៗទាំងប៉ុន្មាននៅក្នុងក្រុងនោះ គឺទ្រព្យសម្បត្តិទាំងអស់ ត្រូវរឹបអូសយកសម្រាប់អ្នក ហើយត្រូវបរិភោគជ័យភណ្ឌរបស់ខ្មាំងសត្រូវ ដែលព្រះយេហូវ៉ាជាព្រះរបស់អ្នក បានប្រទានមកអ្នក។