ស៊ីយ៉ូនជាទីក្រុងរបស់ព្រះចម្រៀងមួយ ជាបទតម្កើងរបស់កូនចៅកូរ៉ា។ 1 គ្រឹះរបស់ព្រះយេហូវ៉ានៅលើភ្នំដ៏វិសុទ្ធទាំងឡាយ; 2 ព្រះយេហូវ៉ាទ្រង់ស្រឡាញ់ទ្វារក្រុងស៊ីយ៉ូន ជាងអស់ទាំងលំនៅរបស់យ៉ាកុប។ 3 ទីក្រុងរបស់ព្រះអើយ សេចក្ដីរុងរឿងត្រូវបាននិយាយស្ដីអំពីនាងហើយ! សេឡា 4 “ក្នុងចំណោមអស់អ្នកដែលស្គាល់យើង យើងនឹងលើកយករ៉ាហាប់ និងបាប៊ីឡូន; មើល៍! មានភីលីស្ទីន ទីរ៉ុស ជាមួយអេត្យូពីដែរ យើងនឹងនិយាយថា: ‘អ្នកទាំងនេះបានកើតនៅទីនេះ!’”។ 5 គេនឹងនិយាយអំពីស៊ីយ៉ូនថា៖ “ម្នាក់នេះ និងម្នាក់នោះបានកើតនៅក្នុងនាង”។ ព្រះដ៏ខ្ពស់បំផុត ព្រះអង្គផ្ទាល់នឹងធ្វើឲ្យនាងស្ថិតស្ថេរ។ 6 កាលណាចុះបញ្ជីប្រជារាស្ត្រ ព្រះយេហូវ៉ានឹងរាប់ថា៖ “ម្នាក់នេះបានកើតនៅទីនេះ”។ សេឡា 7 ពេលនោះ ពួកអ្នកច្រៀង និងពួកអ្នករាំនឹងនាំគ្នាពោលថា៖ “អស់ទាំងប្រភពទឹករបស់ខ្ញុំនៅក្នុងនាង”៕ |