ទំនួញរបស់ពួកឈ្លើយសឹក1 នៅមាត់ទន្លេនៃបាប៊ីឡូន យើងបានអង្គុយនៅទីនោះ ហើយយំ ពេលយើងនឹកដល់ស៊ីយ៉ូន។ 2 យើងបានព្យួរពិណហាបរបស់យើងលើដើមសូលដែលនៅកណ្ដាលទីនោះ 3 ដ្បិតនៅទីនោះ ពួកអ្នកដែលចាប់យើងជាឈ្លើយសឹកបានទាមទារបទចម្រៀងពីយើង ហើយពួកអ្នកដែលធ្វើទុក្ខយើងបានទាមទារការកម្សាន្តពីយើង ដោយនិយាយថា៖ “ចូរច្រៀងចម្រៀងនៃស៊ីយ៉ូនមួយបទឲ្យយើងមក៍!”។ 4 តើយើងច្រៀងចម្រៀងរបស់ព្រះយេហូវ៉ានៅទឹកដីបរទេសដូចម្តេចកើត? 5 យេរូសាឡិមអើយ ប្រសិនបើខ្ញុំភ្លេចនាង សូមឲ្យដៃស្ដាំរបស់ខ្ញុំភ្លេចជំនាញតន្ត្រីចុះ! 6 ប្រសិនបើខ្ញុំមិននឹកចាំនាង ប្រសិនបើខ្ញុំមិនដាក់យេរូសាឡិមឲ្យខ្ពស់ជាងអំណរដ៏ខ្លាំងបំផុតរបស់ខ្ញុំទេ សូមឲ្យអណ្ដាតរបស់ខ្ញុំនៅជាប់នឹងក្រអូមមាត់របស់ខ្ញុំចុះ! 7 ព្រះយេហូវ៉ាអើយ សូមនឹកចាំថានៅថ្ងៃនៃសេចក្ដីអន្តរាយរបស់យេរូសាឡិម កូនចៅអេដំបានពោលថា៖ “កម្ទេចទៅ! កម្ទេចទៅ! រហូតដល់គ្រឹះរបស់វា!”។ 8 កូនស្រីបាប៊ីឡូនដែលត្រូវបានតម្រូវឲ្យបំផ្លាញអើយ មានពរហើយ អ្នកដែលតបសងដល់នាងតាមទង្វើដែលនាងបានធ្វើដល់យើង! 9 មានពរហើយ អ្នកដែលចាប់ទារករបស់នាង ហើយបោកនឹងថ្មដា!៕ |