ՀԵՍՈՒ 9:15 - Նոր Էջմիածին Աստվածաշունչ Հեսուն նրանց հետ խաղաղություն հաստատեց և ուխտեց, որ ողջ կպահի նրանց. ժողովրդի իշխաններն էլ երդվեցին նրանց։ Նոր վերանայված Արարատ Աստվածաշունչ Հեսուն նրանց հետ խաղաղություն հաստատեց և ուխտ արեց, որ ողջ կպահի նրանց. ժողովրդի իշխաններն էլ այդ մասին երդվեցին նրանց։ |
Դավիթ արքան կանչեց գաբավոնացիներին ու խոսեց նրանց հետ։ Գաբավոնացիներն Իսրայելի որդիներ չէին, այլ ամորհացու արյունից էին, և Իսրայելի որդիները երդումով էին կապված նրանց հետ, բայց Սավուղը ուզեց կոտորել նրանց, որպեսզի վրեժ լուծի Իսրայելի ու Հուդայի որդիների համար։
Երբ Երուսաղեմի թագավոր Ադոնիբեզեկը լսեց, որ Հեսուն գրավել է Գային ու կործանել այն, և ինչպես Երիքովի ու նրա թագավորի հետ էր վարվել, այդպես էլ վարվել է Գայիի ու նրա թագավորի հետ, և թե Գաբավոնի բնակիչներն անձնատուր են եղել Հեսուին ու Իսրայելին և նրանց մեջ մնացել,
«Ելեք եկե՛ք ինձ մոտ և օգնե՛ք ինձ, որ պատերազմենք Գաբավոնի դեմ, որովհետև անձնատուր են եղել Հեսուին և Իսրայելի որդիներին»։
և չկար մի քաղաք, որ Տերն Իսրայելի որդիների ձեռքը մատնած չլիներ, բացի Գաբավոնում բնակվող խևացիներից. բոլորին նվաճեց պատերազմով։
Նրանց հետ դաշինք կնքելուց երեք օր հետո լսեցին, որ նրանք դրացիներ են և իրենց մոտ են բնակվում։