Sòm 97:3 - Bib Sen An: Kreyòl Ayisyen

³ Se dife ki ale devan L pou brile tout advèsè Li yo toupatou.

1998 Haïtienne

³ Yon dife ap mache devan li. L'ap boule lènmi l yo tout kote l pase.

Sòm 97:3 Referans Kwoze

Sòm 18:8

Lafimen te sòti nan nen L. Dife a devoran te soti nan bouch Li. Chalè li te limen chabon.

Sòm 18:9

Anplis, Li te bese syèl la e te desann avèk fènwa byen pwès anba pye Li.

Sòm 50:3

Bondye nou vin parèt. Li pa rete an silans. Dife devore devan L, e tanpèt yo antoure L.

Ezekyèl 1:4

Pandan mwen t ap gade, men gade byen, yon van tanpèt te vini soti nan nò, yon gwo nwaj ak loraj ki t ap tire san rete; yon limyè byen klere te antoure l e nan mitan l, yon bagay tankou metal ki klere nan mitan dife a.

Danyèl 7:10

Yon rivyè dife t ap koule pou l vin parèt devan L; Milye dè milye t ap okipe L. Di-mil fwa di-mil te kanpe devan L. Jijman an te etabli. Liv yo te vin ouvri.

Abakik 3:5

Devan Li, tout kalite touman mache; dèyè Li, epidemi a swiv sou pye L.

Malachi 4:1

“Paske gade byen, jou a ap vini, byen cho tankou yon founo, lè tout moun ògeye yo ak tout malfektè yo va vin tounen pay vannen. Jou k ap vini an va fin boule yo nèt,” pale SENYÈ Dèzame yo: “jiskaske li pa kite pou yo ni rasin ni branch.

Detewonòm 32:22

Paske yon dife vin limen nan chalè Mwen, ki brile jis rive nan pati pi fon nan sejou lanmò yo. Li manje latè a avèk tout don li yo, e limen dife a nan fondasyon mòn yo.

Detewonòm 4:11

“Nou te pwoche e ou te kanpe nan pye mòn nan. Mòn nan te brile avèk dife jis rive nan kè syèl la: tenèb, nwaj avèk fènwa.

Detewonòm 4:36

Soti nan syèl yo, Li te kite nou tande vwa Li pou korije nou; epi sou latè, Li te kite nou wè gran dife Li a; epi nou te tande pawòl Li soti nan mitan dife a.

Detewonòm 5:4

“SENYÈ a te pale fasafas avèk nou nan mòn nan soti nan mitan dife a,

2 Tesalonisyen 1:8

Konsa L a bay chatiman a sila ki pa konnen Bondye yo, e a sila ki pa obeyisan a levanjil Senyè Jésus nou a.

Ebre 12:29

Paske Bondye nou an se yon dife k ap devore.

Revelasyon 11:5

Si yon moun vle fè yo mal, dife va sòti nan bouch yo pou devore lènmi yo. Donk si yon moun vle fè yo mal, li dwe vin touye nan fason sa a.

Revelasyon 20:15

Si non a nenpòt moun pa t twouve ekri nan liv lavi a, li te jete nan lak dife a.