Sòm 51:3 - Bib Sen An: Kreyòl Ayisyen

³ Paske mwen konnen transgresyon mwen yo. Peche mwen yo devan m tout tan.

1998 Haïtienne

³ (5) Mwen rekonèt sa m fè a pa bon. Se tout tan peche m lan devan je m.

Sòm 51:3 Referans Kwoze

Neyemi 9:2

Desandan Israël yo te separe yo soti nan tout etranje yo, e te kanpe pou konfese peche pa yo avèk inikite a papa zansèt yo.

Jòb 33:27

Li va chante devan lèzòm. Li va di: “Mwen te peche, mwen te konwonpi sa ki dwat, e li pa t bon pou mwen.

Sòm 32:5

Mwen te vin rekonèt peche m devan Ou, e inikite mwen, mwen pa t ankò kache. Mwen te di: “Mwen va konfese transgresyon mwen yo a SENYÈ a”, epi Ou te padone koupabilite m pou peche mwen yo.

Sòm 38:18

Konsa, mwen konfese inikite mwen. Mwen ranpli avèk regrè akoz peche m.

Sòm 40:12

Paske malè ki depase kontwòl yo te antoure mwen. Inikite mwen yo te fin pran m nèt jiskaske mwen pa t kab wè. Yo plis pase cheve sou tèt mwen. Kè m fin fè fayit.

Sòm 41:5

Lènmi m yo pale mal kont mwen: “Kilè l ap mouri pou non li disparèt?”

Pwovèb 28:13

Sila ki kache transgresyon li yo, p ap fè pwogrè; men sila ki konfese yo e kite yo, va jwenn konpasyon.

Ezayi 43:25

Mwen menm, Mwen se Sila ki efase transgresyon ou yo, pou koz Mwen; e Mwen p ap sonje peche ou yo.

Ezayi 59:12

Paske transgresyon nou yo miltipliye devan Ou, e peche nou yo temwaye kont nou. Paske transgresyon nou yo rete avèk nou e nou konnen inikite nou yo:

Jeremi 3:25

Kite nou kouche nan wont nou, e kite imilyasyon kouvre nou. Paske nou te peche kontre Senyè a, nou menm ak papa nou yo, depi nan jenès nou yo, jis rive menm jodi a. E nou pa t obeyi lavwa Senyè a, papa nou.