Sòm 142:7 - Bib Sen An: Kreyòl Ayisyen

⁷ Mennen nanm mwen sòti nan prizon, pou m kab bay remèsiman a non Ou. Moun ladwati mwen yo va antoure mwen, paske Ou va aji nan bonte Ou anvè mwen.”

1998 Haïtienne

⁷ (8) Wete m nan prizon sa a pou m ka di ou mèsi. Lè sa a, m'a kanpe nan mitan moun ki mache dwat devan ou yo, paske ou te bon pou mwen.

Sòm 142:7 Referans Kwoze

Sòm 116:7

Reprann repo ou, O nanm mwen, paske Bondye te aji nan bonte Li avèk ou.

Sòm 119:17

Aji ak gras avèk sèvitè Ou a, pou m kab viv e kenbe pawòl Ou.

Sòm 119:74

Ke sila ki krent Ou yo kapab wè m e fè kè kontan. Paske mwen mete espwa m pawòl Ou yo.

Sòm 13:6

Mwen va chante a SENYÈ a, paske Li te aji ak bon kè avè m.

Sòm 142:1

Mwen kriye fò avèk vwa mwen vè SENYÈ a. Ak vwa m, mwen fè siplikasyon a SENYÈ a pou m mande L mizerikòd.

Sòm 143:11

Pou koz a non Ou, O SENYÈ, fè m reprann fòs mwen. Nan ladwati Ou, mennen nanm mwen sòti nan gwo twoub la.

Sòm 143:9

Delivre mwen, O SENYÈ, de lènmi mwen yo. Mwen kache nan Ou.

Sòm 146:7

Ki egzekite jistis pou oprime yo. Ki bay manje a moun grangou yo. SENYÈ a mete prizonye yo an libète.

Sòm 31:8

Ou pa t lage mwen nan men a lènmi an. Ou te mete pye mwen nan yon kote byen laj.

Sòm 34:2

Nanm mwen va fè glwa li nan SENYÈ a. Enb yo va tande l, e yo va rejwi.

Sòm 38:20

Sila ki remèt mal pou byen yo se lènmi m akoz mwen swiv sa ki bon.

Sòm 9:14

pou m kab pale tout lwanj a Ou menm. Konsa, nan pòtay a fi Sion yo, mwen kapab rejwi nan delivrans Ou.

Sòm 9:3

Lè lènmi m yo vire fè bak, yo tonbe e peri devan Ou.

Ezayi 61:1

Lespri Senyè BONDYE a sou mwen, akoz SENYÈ a te onksyone mwen pou pote bòn nouvèl a moun aflije yo. Li te voye mwen pou bay soutyen a sila ak kè brize yo, pou pwoklame libète a kaptif yo e delivrans a prizonye yo;

Travay 2:24

Men Bondye te fè L leve ankò, e te mete fen a doulè lanmò a, paske se te enposib pou li ta kapab kenbe L.

Jak 5:11

Nou konte sa ki te andire yo kòm beni. Nou te konn tande de sa Job te andire a, e nou te wè jan sa te sòti e jan Senyè a te aji. Konsa nou konnen Senyè a plen konpasyon ak mizerikòd.