Sòm 109:22 - Bib Sen An: Kreyòl Ayisyen

²² paske mwen aflije e malere. Kè m blese anndan m.

1998 Haïtienne

²² Se yon pòv malere san sekou mwen ye, kè m ap fann.

Sòm 109:22 Referans Kwoze

2 Wa 4:27

Lè l te rive kote nonm Bondye a sou ti mòn nan, li te kenbe de pye li. Guéhazi te parèt pou pouse l fè l sòti; men nonm Bondye a te di: “Kite li, paske nanm li twouble anndan l. SENYÈ a te kache sa de mwen sa, e pa t di m sa.”

Jòb 6:4

Paske flèch Toupwisan an fin antre anndan m; lespri m ap bwè pwazon. Gwo laperèz Bondye a vin alinye kont mwen.

Sòm 102:4

Kè m fin frape tankou zèb. Li fennen nèt. Anverite, mwen bliye manje pen mwen.

Sòm 109:16

akoz li pa t sonje montre lanmou dous, men te pèsekite e te aflije malere a, ak sila ki dekouraje nan kè l la, pou l mete yo a lanmò.

Sòm 22:6

Men mwen se yon vè, mwen pa menm yon moun. Parèt abominab devan lèzòm, e meprize pa tout moun.

Sòm 25:16

Vire vè mwen e fè m gras, paske mwen abandone e aflije.

Sòm 40:17

Akoz mwen aflije e nan gwo bezwen, kite SENYÈ a toujou sonje mwen. Se Ou menm ki soutyen mwen ak delivrans mwen. Pa fè reta, O Bondye mwen an.

Sòm 86:1

Prete m zòrèy Ou, O SENYÈ e reponn mwen. Paske mwen aflije e malere.

Ezayi 53:3

Li te meprize e abandone pa lòm; yon nonm ak gwo tristès ki te konnen gwo soufrans, ak tout maladi. Tankou yon moun de sila moun kache figi yo, Li te vin meprize, e nou pa t bay Li okenn valè.

Matye 8:20

Jésus te di li: “Rena yo gen twou pou yo kache, e zwazo anlè yo gen nich pa yo, men Fis a Lòm nan pa gen kote pou repoze tèt Li.”

Lik 22:44

Ak gwo toumant, Li t ap priye avèk entansite. Swè Li te vin tankou gwo gout san ki t ap tonbe atè.

Jan 12:27

“Koulye a nanm Mwen vin twouble. Epi kisa M ap di: ‘Papa, sove M de lè sa a’? Men se pou rezon sa a ke M te rive nan lè sa a.

2 Korent 8:9

Paske nou konnen lagras Senyè nou an Jésus Kri, ke malgre Li te rich, pou koz nou, Li te vin pòv, pouke, nou menm, atravè povrete Li, nou ta kapab vin rich.