Pwovèb 30:8 - Bib Sen An: Kreyòl Ayisyen

⁸ Fè desepsyon ak manti rete lwen mwen. Pa ban m richès ni povrete. Nouri mwen ak manje ki se pòsyon pa m nan,

1998 Haïtienne

⁸ Men yo: Pa kite m bay manti pou m twonpe moun. Pa fè m ni rich ni pòv. Ban m kantite manje mwen bezwen pou m viv la.

Pwovèb 30:8 Referans Kwoze

Jenèz 28:20

Epi Jacob te fè yon sèman. Li te di: “Si Bondye ale avèk mwen, si Li va kenbe mwen nan vwayaj sila ke m ap fè a, e Li va ban mwen manje pou m manje, ak rad pou m mete,

2 Wa 25:30

Epi pou bous li, yon bous nòmal te bay a li menm pa wa a, yon pòsyon pou chak jou pandan tout jou lavi li.

Jòb 23:12

Mwen pa t kite kòmand a lèv Li yo. Mwen te kenbe pawòl a bouch Li kon pi presye pase manje ki fè m gen fòs la.

Sòm 119:29

Retire sou mwen fo chemen an e ban mwen gras nan lalwa Ou a.

Sòm 119:37

Vire zye m pou yo pa gade vanite e fè m reprann mwen nan chemen Ou yo.

Egzòd 16:15

Lè fis Israël yo te wè li, yo te di a youn lòt: “Kisa sa ye?” Paske yo pa t konnen kisa sa li te ye. Epi Moïse te di yo: “Sa se pen ke SENYÈ a bannou pou nou manje.

Egzòd 16:18

Lè yo te mezire li avèk yon omè, sa ki te pran anpil yo pa t gen twòp, ni sa ki te pran piti yo pa t manke. Chak moun te ranmase sa ke li te dwe manje.

Egzòd 16:29

Gade, SENYÈ a te bannou Saba a. Pou sa, Li bannou pen pou de jou nan sizyèm jou a. Kite chak moun rete nan plas li. Pa kite pèsòn sòti nan plas li nan setyèm jou a.”

Egzòd 16:35

Fis Israël yo te manje lamàn pandan karant ane, jis lè yo te rive nan yon peyi ki te peple deja. Yo te manje lamàn jis yo rive nan fwontyè peyi Canaan an.

Pwovèb 13:5

Yon nonm dwat rayi sa ki fo; men zak mechan yo degoutan e fè gwo wont.

Pwovèb 21:6

Ranmase anpil byen ak lang k ap bay manti se yon vapè k ap sove ale, k ap kouri dèyè lanmò.

Pwovèb 22:8

Sila ki simen inikite a va rekòlte vanite; e baton kòlè li a va detwi.

Pwovèb 23:5

Depi ou mete zye ou sou li, l ale. Paske, anverite, li gen zèl kon yon èg k ap vole vè syèl yo.

Pwovèb 30:7

“De bagay m te mande ou yo; pa refize m yo avan m mouri:

Eklezyas 1:2

“Vanite sou vanite”, predikatè la di: “Vanite sou vanite! Tout se vanite.”

Ezayi 5:18

Malè a sila ki rale inikite ak kòd manti, e ki fè peche tankou se kòd kabwèt;

Ezayi 59:4

Nanpwen moun ki fè pwosè ak dwati, ni ki fè plent ak entegrite. Yo mete konfyans nan vanite, e yo pale manti. Yo simen mal e yo rekòlte mechanste.

Jeremi 37:21

Epi Wa Sédécias te pase lòd e yo te pase lòd selon Jérémie pou l rete nan lakou kay gad la. Yo te bay li yon pen ki sòti nan lari boulanje a, jiskaske tout pen nan vil la te fini nèt. Konsa, Jérémie te rete nan lakou kay gad la.

Jeremi 52:34

Pou okipe li, li te resevwa yon pòsyon nòmal chak jou pandan tout rès jou lavi li, jis rive jou li te mouri an.

Matye 6:11

Bay nou pou jou sa a pen ke nou bezwen an,

Matye 6:33

Chèche premyèman wayòm Li avèk ladwati Li, epi tout bagay sa yo ap vini anplis.

Lik 11:3

Bannou chak jou pen nou pou jounen an.

Jan 2:8

Epi Li di yo: “Retire kèk pou pote bay chèf sèvitè tab yo.” Konsa yo te pote bay li.

Travay 14:15

“Mesye yo, poukisa nou ap fè bagay sa yo? Nou menm tou se lòm, ki fèt menm jan ak nou. Nou pòte bòn nouvèl la a nou menm, pou nou kapab vire kite vye bagay sila yo pou vire vè Bondye vivan an ki te fè syèl la, tè a, lanmè a ak tout sa ki ladann.