Pwovèb 24:28 - Bib Sen An: Kreyòl Ayisyen

²⁸ Pa vin yon temwen kont vwazen ou san koz, e pa bay manti ak lèv ou.

1998 Haïtienne

²⁸ Pa leve pale sou do frè parèy ou san rezon. Pa bay manti sou li.

Pwovèb 24:28 Referans Kwoze

Jòb 2:3

SENYÈ a te di a Satan: “Èske ou te remake sèvitè Mwen an, Job? Paske nanpwen okenn moun tankou li sou latè, yon nonm san repwòch e dwat ki gen lakrent Bondye, e ki vire kite tout mal. Epi li toujou kenbe rèd ak entegrite li, malgre ou te eksite Mwen kont li san koz.”

Sòm 35:11

Fo temwen sovaj yo leve. Yo mande mwen bagay ke m pa menm konnen.

Sòm 35:7

Paske san koz, yo te kache pèlen yo pou mwen. San koz, yo te fouye yon fòs pou nanm mwen.

Sòm 52:1

Poukisa ou ògeye nan mechanste ou, O lòm pwisan? Lanmou dous Bondye a dire tout lajounen.

Egzòd 20:16

Ou pa pou fè fo temwayaj kont vwazen ou.

Egzòd 23:1

Ou pa pou pote yon fo rapò. Pa jwenn men ou avèk yon moun mechan pou devni yon move temwen.

Pwovèb 14:5

Yon temwen fidèl p ap bay manti; men yon fo temwen pale manti.

Pwovèb 19:5

Yon fo temwen pa prale san pinisyon; e sila ki fè manti a, p ap chape.

Pwovèb 19:9

Yon fo temwen pa prale san pinisyon; epi sila ki bay manti a, va peri.

Pwovèb 21:28

Yon fo temwen va peri; men sila ki koute verite a va pale ak letènite.

Pwovèb 25:18

Tankou gwo baton, nepe, oswa flèch file, se konsa yon nonm ki pote fo temwen kont vwazen li.

Pwovèb 26:19

se konsa nonm ki tronpe vwazen li an pou di: “Èske se pa blag mwen t ap fè?”

Levitik 19:11

“‘Nou pa pou vòlè, ni twonpe, ni manti youn ak lòt.

Levitik 6:2

“Lè yon moun peche e aji avèk movèz fwa kont SENYÈ a, epi twonpe pwochen li an sou yon depo lajan oswa yon sekirite ke li te konfye bay li, oswa pa vòl, oubyen li te fè li pa vyòl konfyans,

Levitik 6:3

oubyen, si l te twouve sa ki te pèdi a, te fè manti sou sa ak fo sèman, pouke li peche nan nenpòt nan bagay ke yon moun kapab fè yo;

Matye 27:23

Li te di: “Poukisa, ki mal Li fè?” Men yo te kontinye rele pi fò: “Krisifye Li!”

Jan 15:25

“Men yo te fè sa pou pawòl la ta kapab akonpli ki te ekri nan Lalwa pa yo: ‘Yo te rayi Mwen san koz.’

Efezyen 4:25

Pou sa, mete akote sa ki fo, e “pale verite a, nou chak avèk vwazen nou”, paske nou se manm a youn lòt.

Kolosyen 3:9

Pa bay manti a youn lòt, akoz ke nou te mete sou kote ansyen moun nan avèk abitid mechan li yo,

Revelasyon 21:8

Men pou kapon yo, enkredil yo, abominab ak asasen yo, moun imoral yo, majisyen yo, idolat ak tout mantè yo, pati pa yo va nan lak ki brile avèk dife ak souf la, ki se dezyèm lanmò a.”

Revelasyon 22:15

Deyò se chen yo, majisyen yo, moun imoral yo, asasen yo, idolat ak tout sila ki renmen e ki gen pratik bay manti.