Pwovèb 22:18 - Bib Sen An: Kreyòl Ayisyen

¹⁸ Paske sa va byen agreyab pou ou si ou kenbe yo anndan ou, pou yo toujou prè sou lèv ou.

1998 Haïtienne

¹⁸ L'a bon pou ou toujou kenbe yo nan kè ou, pou yo ka toujou anba lang ou.

Pwovèb 22:18 Referans Kwoze

Sòm 119:103

A la pawòl Ou yo dous nan gou mwen! Wi, pi dous pase siwo myèl nan bouch mwen!

Sòm 119:111

Mwen te eritye temwayaj Ou yo pou tout tan, paske se yo ki lajwa kè m.

Sòm 119:13

Avèk lèv mwen, mwen te pale selon tout òdonans bouch Ou yo.

Sòm 119:162

Mwen rejwi nan pawòl Ou kon yon moun ki jwenn gwo piyaj.

Sòm 119:171

Kite lèv mwen eksprime lwanj, paske Ou enstwi mwen nan règleman Ou yo.

Sòm 19:10

Yo pi chè pase lò, wi, pase anpil lò fen. Yo pi dous pase myèl, pase siwo a ki tonbe nan gato myèl la.

Pwovèb 10:13

Sou lèv a moun ki konn disène, nou twouve sajès; men gen baton pou do a sila ki manke konprann nan.

Pwovèb 10:21

Lèv a moun dwat yo fè anpil moun manje; men moun fou yo mouri akoz mank bon konprann.

Pwovèb 15:7

Lèv a moun saj yo gaye konesans; men se pa konsa ak kè moun ensansib yo.

Pwovèb 16:21

Moun saj nan kè va rekonèt kon moun bon konprann; e dousè nan pale va ogmante kapasite konvenk moun.

Pwovèb 2:10

Paske, sajès va antre nan kè ou, e konesans va fè ou alèz jis rive nan nanm ou.

Pwovèb 22:19

Pou konfyans ou kapab nan SENYÈ a, mwen te enstwi ou jodi a, menm ou menm nan.

Pwovèb 25:11

Tankou pòm an lò ki monte sou ajan, se konsa yon mo byen plase nan moman li.

Pwovèb 3:17

Chemen li yo byen dous, e tout pa li yo se lapè.

Pwovèb 4:20

Fis mwen an, prete atansyon a pawòl mwen yo; panche zòrèy ou vè diskou mwen yo.

Pwovèb 4:21

Pa kite yo vin disparèt devan zye ou; kenbe yo nan fon kè ou.

Pwovèb 8:6

Koute mwen, paske mwen va pale gwo bagay. Lè lèv mwen louvri, y ap devwale bagay ki kòrèk.

Jeremi 15:16

Pawòl Ou yo te vin twouve; mwen te manje yo. Pawòl Ou yo te vin pou mwen yon gwo jwa ki fè kè m rejwi; paske mwen te rele pa non Ou, O SENYÈ Bondye Dèzame yo.

Malachi 2:7

Paske lèv a yon prèt dwe gade konesans, e moun ta dwe chache lalwa soti nan bouch li. Paske li se mesaje a SENYÈ dèzame yo.

Jan 7:38

Sila ki kwè nan Mwen, tankou Ekriti Sen an di: ‘Sòti nan pi fon anndan l va fè koule rivyè dlo vivan yo.’”

Ebre 13:15

Alò, atravè Li menm, annou ofri yon sakrifis lwanj pou Bondye san rete, ki se fwi a lèv ki bay remèsiman a non Li yo.