Pwovèb 20:29 - Bib Sen An: Kreyòl Ayisyen

²⁹ Glwa a jèn yo se fòs yo, e lonè a granmoun yo se cheve blan yo.

1998 Haïtienne

²⁹ Se kouray ki fè valè yon jenn gason. Men, pou granmoun, se cheve blan l yo ki fè valè l.

Pwovèb 20:29 Referans Kwoze

Jòb 41:32

Dèyè l, li fè yon pa kim dlo briye; konsi ou ta konnen se cheve blanch k ap soti nan fon dlo a.

Pwovèb 16:31

Yon tèt blanch se yon kouwòn laglwa; li jwenn nan chemen ladwati a.

Pwovèb 20:30

Kout fwèt ki blese fè disparèt mechanste; li frape rive nan pati pi fon yo.

Levitik 19:32

“‘Nou va leve devan moun cheve blanch yo. Nou va bay lonè a granmoun yo. Nou va gen lakrent pou Bondye nou an. Mwen se SENYÈ a.

1 Jan 2:14

Mwen te ekri nou, papa yo, paske nou konnen Li ki te la depi kòmansman a. Mwen te ekri nou jenn nonm yo paske nou gen fòs, epi pawòl Bondye a reste nan nou, epi nou te vin gen viktwa sou sila ki mechan.