Pwovèb 17:13 - Bib Sen An: Kreyòl Ayisyen

¹³ Pou sila ki remèt mal pou byen an, mal la p ap janm kite lakay li.

1998 Haïtienne

¹³ Si ou aji mal avèk moun ki fè ou byen, malè ap toujou rive lakay ou.

Pwovèb 17:13 Referans Kwoze

2 Samyèl 12:10

Koulye a, pou sa, nepe p ap janm kite lakay ou, akoz ou te meprize Mwen e te pran madanm a Urie, Itit la pou devni madanm ou.’

1 Wa 21:22

Mwen va fè lakay ou tankou lakay Jéroboam, fis a Nebath la ak tankou lakay Baescha, fis Achija a, akoz pwovokasyon avèk sila li te pwovoke M a lakòlè a, e akoz ou te fè Israël peche.”

Sòm 35:12

Yo remèt mwen mal pou byen, jiskaske gwo tristès antre nan nanm mwen.

Sòm 38:20

Sila ki remèt mal pou byen yo se lènmi m akoz mwen swiv sa ki bon.

Pwovèb 13:21

Se malè ki kouri dèyè pechè yo; men moun dwat yo va pwospere.

Matye 27:25

Tout pèp la te reponn e te di: “Kite san Li sou nou e sou Pitit nou yo!”

Matye 27:5

Pou sa a, li te jete pyès ajan yo nan santyè tanp lan. Li te sòti, e te ale pann tèt li.

Women 12:17

Pa janm remèt mal pou mal a pèsòn. Respekte sa ki bon nan zye a tout moun.

1 Tesalonisyen 5:15

Veye pou pèsòn pa rann youn lòt mal pou mal, men toujou chache sa ki bon pou youn lòt e pou tout moun.

1 Pyè 3:9

Pa remèt mal pou mal, ni jouman pou jouman, men de preferans, beni moun nan. Paske nou te resevwa apèl la pou bi sa a, pou nou ta kapab eritye yon benediksyon.

1 Samyèl 19:4

Konsa, Jonathan te pale ak Saül, papa li, kèk bon pawòl sou David. Li te di li: “Pa kite wa a peche kont sèvitè li, David. Paske li menm pa t peche kont ou; akoz zèv pa li yo, li te ede ou anpil.

1 Samyèl 24:17

Li te di a David: “Ou pi jis pase m; paske ou te aji byen avè m, pandan mwen te aji mal avè w.

1 Samyèl 25:21

Alò, David te di: “Anverite, se an ven ke m t ap veye tout afè ke mesye sa a te genyen nan dezè a, pou l pa manke anyen nan sa ki te pou li yo! Konsa, li te remèt mwen mal pou byen!