Matye 10:7 - Bib Sen An: Kreyòl Ayisyen

⁷ Pandan n ap prale, preche epi di: ‘Wayòm syèl la prèt pou rive.’

1998 Haïtienne

⁷ Sou tout wout nou, bay mesay sa a: Gouvènman Wa ki nan syèl la prèt pou rive.

Nouvo Testaman: Vèsyon Kreyòl Fasil

⁷ Ale di yo: Wayòm syèl la pa lwen.

Matye 10:7 Referans Kwoze

Ezayi 61:1

Lespri Senyè BONDYE a sou mwen, akoz SENYÈ a te onksyone mwen pou pote bòn nouvèl a moun aflije yo. Li te voye mwen pou bay soutyen a sila ak kè brize yo, pou pwoklame libète a kaptif yo e delivrans a prizonye yo;

Matye 10:8

Geri malad yo, leve mò yo, pirifye lepre yo, chase move lespri yo. Nou te resevwa gratis, nou mèt bay gratis.

Matye 11:1

Lè Jésus te fin bay enstriksyon a douz disip Li yo, Li te kite kote sa a pou enstwi e preche nan vil pa yo.

Matye 21:31

Kilès nan de fis sa yo ki te fè volonte a papa l?” Yo te reponn: “Premye a”. Jésus te di yo: “Anverite, Mwen di nou ke kolektè kontribisyon yo avèk fanm movèz vi yo va antre nan wayòm syèl la avan nou menm.

Matye 21:43

“Akoz sa Mwen di nou: Wayòm syèl la ap vin pran nan men nou pou plase bay yon nasyon k ap pwodwi fwi li.

Matye 23:13

“Men malè a nou menm Skrib yo avèk Farizyen yo! Ipokrit nou ye! Paske nou devore kay vèv yo menm lè nou pretann n ap fè lapriyè long; pou sa, nou ap resevwa yon pi gwo kondanasyon.

Matye 3:2

“Repanti paske Wayòm Syèl la gen tan parèt.”

Matye 4:17

Depi lè sa a, Jésus te kòmanse preche. Li te di:“Repanti, paske wayòm syèl la pwòch.”

Mak 6:12

Yo te sòti deyò e yo t ap preche ke moun dwe repanti.

Lik 16:16

“Lalwa avèk pwofèt yo te pwoklame jiska Jean. Depi lè sa a bòn nouvèl a wayòm Bondye a preche, e tout moun ap fòse antre ladann.

Lik 9:2

Li te voye yo ale pou pwoklame wayòm Bondye a, e pou geri maladi.

Lik 9:6

Pandan yo t ap kite la, yo te kòmanse ale pami bouk yo, ap preche levanjil la, e te fè gerizon toupatou.

Lik 9:60

Men Li te di li: “Kite mò yo antere mò yo; men pou ou menm, alepwoklame toupatou wayòm Bondye a.”

Jan 3:2

Mesye sila a te vin kote Li pandan lannwit epi te di L: “Rabbi, nou konnen ke ou sòti nan Bondye kon yon Mèt. Paske pèsòn pa kapab fè sign sa yo ke nou wè ou fè yo anmwenske Bondye avè L.”

Travay 10:25

Lè Pierre te antre, Corneille te rankontre li, e te tonbe nan pye li pou adore li.

Travay 28:31

Li t ap preche wayòm Bondye a, e t ap enstwi konsènan Senyè a Jésus Kri, avèk tout libète, san anpèchman.

Travay 4:2

Yo te byen deranje paske yo t ap enstwi pèp la e t ap pwoklame nan non Jésus rezirèksyon a lanmò yo.