Levitik 11:13 - Bib Sen An: Kreyòl Ayisyen

¹³ “‘Sa yo, anplis, nou va deteste pami zwazo yo; yo abominab, yo pa pou manje: èg, òfrè, avèk èg lanmè,

1998 Haïtienne

¹³ Nan tout zwazo men sa nou pa gendwa manje paske yo pa bon pou nou menm k'ap sèvi Bondye.

Levitik 11:13 Referans Kwoze

Jòb 28:7

Chemen li pa rekonèt pa koukou, ni zye grigri pa janm wè l.

Jòb 38:41

Se kilès ki prepare manje pou kòbo a lè pitit li rele kote Bondye e mache gaye grangou?

Jeremi 4:13

Gade byen, li monte tankou nwaj, e cha lagè li yo kon toubiyon. Cheval li yo pi vit ke èg. Malè a nou menm, paske nou vin detwi nèt!

Jeremi 4:22

“Paske, pèp mwen an rete nan foli. Yo pa rekonèt Mwen. Yo se timoun sòt ki pa gen konprann. Yo koken nan fè mal, men pou fè sa ki bon, yo pa konnen.”

Jeremi 48:40

Paske konsa pale SENYÈ a: “Gade byen, li va vole rapid tankou èg e lonje zèl li ouvri kont Moab.

Lamantasyon 4:19

Sila ki te kouri dèyè nou yo te pi vit pase èg k ap volè anlè. Yo te fè lachas sou nou nan mòn yo. Yo te kache tann anbiskad pou nou nan savann nan.

Oze 8:1

Mete twonpèt la sou lèv ou yo! Yon bagay tankou malfini vini kont lakay SENYÈ a; akoz yo te transgrese akò Mwen an, e fè rebèl kont lalwa Mwen an.

Levitik 11:11

Konsa, yo va abominab pou nou. Nou pa pou manje chè yo, ak kadav yo. Nou va deteste yo.

Levitik 11:12

Nenpòt sa ki nan dlo ki pa gen zèl ak kal abominab pou nou.

Levitik 11:14

malfini, karanklou avèk tout espès li yo,

Abakik 1:8

Chevalye yo pi vit ke leyopa, e pi vijilan ke lou lannwit. Chevalye yo vin galope. Chevalye yo sòti lwen. Yo vole tankou èg k ap plonje desann pou devore.

Zakari 5:9

Mwen te leve zye m, mwen te gade, e mwen te wè te gen de fanm ak van nan zèl yo. Zèl yo te tankou zèl a sigòy. Konsa, yo te leve panyen efa a antre tè a ak syèl la.

Matye 24:28

Nenpòt kote kadav la ye, se la ou va twouve votou yo.

Tit 3:3

Paske nou menm tou, yon fwa nou te ensanse, dezobeyisan twonpè, esklav a tout kalite move dezi ak plezi, e nou t ap pase lavi nou nan mechanste, lanvi, rayisman, nan rayi youn lòt.