Jòb 4:3 - Bib Sen An: Kreyòl Ayisyen

³ Gade byen, ou te enstwi anpil lòt moun; ou te ranfòse menm fèb yo.

1998 Haïtienne

³ Yon lè, se ou ki te konn moutre moun anpil bagay, se ou ki te konn bay moun fòs lè yo fèb.

Jòb 4:3 Referans Kwoze

Jenèz 18:19

Paske Mwen te chwazi li pou l kapab kòmande pitit li yo avèk lakay li, pou kenbe chemen SENYÈ a, pou fè ladwati avèk jistis, pou SENYÈ a kapab fè rive sou Abraham, sa ke Li te pale de li a.”

Esdras 6:22

Epi yo te obsève Fèt Pen San Ledven an pandan sèt jou avèk jwa, paske SENYÈ a te fè yo rejwi, e te detounen kè a wa a Assyrie a vè yo pou ankouraje yo nan travay lakay Bondye a, Bondye Israël la.

Jòb 16:5

Mwen ta kab ranfòse ou ak bouch mwen, e senpati a lèv mwen ta kab redwi doulè ou.

Jòb 29:11

Paske lè zòrèy la te tande m, li te rele m beni, e lè zye a te wè m, li te fè temwayaj benediksyon,

Jòb 29:15

Mwen te sèvi kon zye pou avèg yo, e pye pou sila bwate yo.

Jòb 29:16

Mwen te yon papa pou malere a, e ka ke m pa konnen an, mwen te chache twouve bout li.

Jòb 29:21

“Moun yo te koute e te tann. Yo te sispann pale pou tande konsèy mwen.

Jòb 4:4

Pawòl ou yo te ede fèb yo kanpe, e ou te ranfòse jenou ki manke fòs yo.

Pwovèb 10:21

Lèv a moun dwat yo fè anpil moun manje; men moun fou yo mouri akoz mank bon konprann.

Pwovèb 15:7

Lèv a moun saj yo gaye konesans; men se pa konsa ak kè moun ensansib yo.

Pwovèb 16:21

Moun saj nan kè va rekonèt kon moun bon konprann; e dousè nan pale va ogmante kapasite konvenk moun.

Ezayi 35:3

Ankouraje men ki pedi fòs, e ranfòse jenou ki fèb la.

Ezayi 50:4

Senyè a te ban Mwen lang a sa yo ki enstwi yo, pou M ka konnen jan pou bay pawòl soutyen a sila ki fatige. Li fè M leve maten apre maten, Li fè zòrèy Mwen leve pou koute kon yon disip.

Ezekyèl 13:22

Akoz nou te dekouraje moun ladwati a lè Mwen pa t fè yo trist; epi nou te ankouraje mechan an pou l pa kite mechanste li, pou l sove,

Sofoni 3:16

Nan jou sa a, sa va di a Jérusalem: Pa pè anyen, O Sion! Pa kite men ou vin fèb.

Lik 22:32

Men Mwen tepriye pou ou, pou lafwa ou pa pèdi; e pou ou, nan lè ke ou retounen ankò, kab bay frè ou yo fòs.”

Lik 22:43

Alò, yon zanj syèl la te parèt a Li menm pou bay Li fòs.

Efezyen 4:29

Pa kite okenn vye mo sal sòti nan bouch nou, men sèlman kalite mo ki bon pou edifikasyon selon bezwen moman an, pou li kapab bay gras a sila ki tande l yo.

Detewonòm 3:28

Men pale Josué, ankouraje li e ba li fòs, paske li va ale lòtbò a nan tèt a pèp sa a, e li va bay yo li kòm eritaj pa yo peyi ke ou va wè a.’

Kolosyen 4:6

Ke pawòl nou yo toujou ranpli ak gras, kòmsi yo te asizonnen avèk sèl, pou nou kapab konnen jan pou nou reponn a chak moun.

Ebre 12:12

Konsa ranfòse men ki manke fòs ak jenou ki fèb yo,