Jenèz 43:16 - Bib Sen An: Kreyòl Ayisyen

¹⁶ Lè Joseph te wè Benjamin avèk yo, li te di a chèf domestik lakay li a, “Mennen mesye yo nan kay la, touye yon bèt, e fè prepare l; paske mesye sa yo ap vin manje avèk mwen a midi a.”

1998 Haïtienne

¹⁶ Lè Jozèf wè Benjamen ak yo, li rele chèf domestik li a, li di l: — Mennen mesye sa yo lakay mwen. Touye yon bèt, kwit li, paske mesye sa yo ap manje avè m amidi a.

Jenèz 43:16 Referans Kwoze

Jenèz 15:2

Abram te di: “O Senyè BONDYE, kisa ou va ban mwen, akoz ke m san pitit, e eritye lakay mwen se Eliézer a Danmas?”

Jenèz 21:8

Pitit la te grandi e li te vin sevre. Abraham te fè yon gwo fèt nan jou ke Isaac te sevre a.

Jenèz 26:30

Alò, li te fè yon gwo fèt manje pou yo, yo te manje e bwè.

Jenèz 31:54

Alò, Jacob te ofri yon sakrifis sou mòn nan. Li te rele tout gwo fanmi li yo pou vin manje pen. Yo te manje pen sa a, e yo te pase nwit lan sou mòn nan.

Jenèz 43:17

Alò, nonm nan te fè sa ke Joseph te mande a, e li te mennen mesye yo lakay Joseph.

Jenèz 43:19

Pou sa a, yo te vin pwoche chèf domestik la. Yo te pale ak li nan antre kay la,

Jenèz 44:1

Alò, li te pase lòd a chèf domestik la e te di: “Ranpli sak yo avèk manje, tout sa ke yo kapab pote, e mete kòb a chak moun nan bouch sak li.

Jenèz 44:4

Yo te fenk kite vil la, e yo pa t byen lwen lè Joseph te di a chèf domestik li a: “Leve, swiv mesye sa yo. Lè nou rive sou yo, di yo konsa: ‘Poukisa nou rekonpanse mal pou byen?

Pwovèb 9:2

Li te prepare manje li, li te mele diven li; anplis, li fin ranje tab li.

1 Samyèl 25:11

Alò, se pou sa ke m ta dwe pran pen mwen avèk dlo mwen ak vyann ke m te fin kòche pou ouvriye pa m yo e bay li a mesye ke m pa menm konnen kote yo sòti yo?”