Jenèz 26:14 - Bib Sen An: Kreyòl Ayisyen

¹⁴ Li te posede anpil bann mouton, twoupo avèk anpil chan bèt, jiskaske Filisten yo te vin anvi li.

1998 Haïtienne

¹⁴ Li te gen kantite kabrit, mouton ak bèf, ak anpil moun ki t'ap sèvi l. Sa te fè moun Filisti yo rayi sò li.

Jenèz 26:14 Referans Kwoze

Jenèz 12:16

Pou sa li te trete Abram byen pou koz li. Li te bay li mouton avèk bèf kabwa avèk bourik, ak sèvitè, ni mal ni femèl, ak femèl bourik avèk chamo.

Jenèz 13:2

Epi Abram te trè rich nan bèt, lajan ak nan lò.

Jenèz 24:35

SENYÈ a te beni mèt mwen an anpil, jiskaske li vin reyisi anpil. Li te bay li bann mouton ak twoupo, lò ak lajan, sèvitè ak sèvant yo, e chamo ak bourik.

Jenèz 25:5

Alò Abraham te bay tout sa li te posede a Isaac;

Jenèz 30:43

Konsa, nonm nan te vin pwospere anpil. Li te vin gen gwo bann mouton, sèvant ak sèvitè, chamo avèk bourik.

Jenèz 37:11

Frè li yo te fè jalouzi akoz li, men papa li te kenbe pawòl sa yo nan tèt li.

Jòb 1:3

Byen li te monte a sèt-mil mouton, twa-mil chamo, senk-san bèf kabwèt, senk-san femèl bourik ak anpil sèvitè. Nonm sila a se te pi gran òm nan tout pati lès la.

Jòb 42:12

SENYÈ a te beni dènye jou a Job yo plis pase premye yo. Epi li te gen katòz-mil mouton ak si-mil chamo, ak mil bèf kabwèt ak mil femèl bourik.

Jòb 5:2

Paske rankin va touye moun ki plen foli, e jalouzi va touye moun senp lan.

Sòm 112:10

Mechan an va wè l e l ap vekse nèt. Li va manje dan l e vin fonn pou l disparèt. Dezi a mechan an va peri.

Sòm 112:3

Anpil byen ak gwo richès rete lakay li. Ladwati li dire pou tout tan.

Pwovèb 10:22

Benediksyon SENYÈ a fè moun rich; konsa li pa mele ak chagren.

Pwovèb 27:4

Fachez rèd fè move. Kòlè se yon inondasyon. Men se kilès ki ka kanpe devan jalouzi.

Eklezyas 4:4

Mwen konn wè tout zèv ak tout metye ki konn fèt, fèt akoz lanvi antre yon nonm ak vwazen li. Sa anplis se vanite ak fè lachas dèyè van.

1 Samyèl 18:9

Depi nan jou sa a, Saül te veye David de prè.