Efezyen 5:4 - Bib Sen An: Kreyòl Ayisyen

⁴ Nou pa dwe gen pawòl malonèt, pawòl san sans, avèk vye blag, ki pa dign, men de preferans, bay remèsiman a Bondye.

1998 Haïtienne

⁴ Sa pa bon nonplis pou nou kite gwo mo, pawòl san sans ak mo sal sòti nan bouch nou. Bagay konsa pa dakò ak sa nou ye. Okontrè, se pou nou lapriyè pou di Bondye mèsi.

Nouvo Testaman: Vèsyon Kreyòl Fasil

⁴ Menm jan an tou, lè n ap pale, piga nou nan repete gwo mo ak vye blag, bagay ki pa gen enpòtans. Bagay sa yo pa pou nou. Okontrè, se pawòl remèsiman anvè Bondye ki pou nan bouch nou pito.

Efezyen 5:4 Referans Kwoze

Sòm 33:1

Rejwi ak lajwa nan SENYÈ a, O moun ladwati yo! Lwanj bèl lè l sòti nan moun ki dwat.

Sòm 92:1

Li bon pou bay lwanj a SENYÈ a, pou chante lwanj a non Ou, O Pi Wo a,

Pwovèb 12:23

Yon moun pridan kache sa li konnen; men kè moun san konprann pale jis nan foli.

Pwovèb 15:2

Lang a saj la gen pou mèt, konnesans; men bouch a sila ki manke konprann nan eksprime foli.

Pwovèb 26:19

se konsa nonm ki tronpe vwazen li an pou di: “Èske se pa blag mwen t ap fè?”

Eklezyas 10:13

Kòmansman diskou ensanse a se foli, e fen diskou li se plen mechanste ak betiz.

Danyèl 6:10

Alò, lè Daniel te konnen ke dokiman an te fin siyen, li te lantre lakay li (alò, nan chanm anwo a, te gen fenèt ki te ouvri vè Jérusalem), epi li te mete li sou jenou li twa fwa pa jou, pou fè lapriyè, e bay remèsiman devan Bondye li a, jan li te kon fè oparavan an.

Mak 7:22

zak lanvi sa ki pou lòt, mechanste, desepsyon, sansyalite, jalouzi, kout lang, ògèy, ak tout kalite foli.

Jan 6:23

Te gen lòt ti kannòt ki te sòti Tibériade toupre plas kote yo te manje pen an apre Senyè a te bay remèsiman an.

Women 1:28

Menm jan yo pa t trouve l bon ankò pou rekonèt Bondye, Bondye te livre yo a yon panse tòde pou fè bagay ki pa pwòp sa yo.

2 Korent 1:11

nou osi ki jwenn avèk nou menm nan lapriyè, pou remèsiman kapab bay pa anpil moun pou nou, pou gras ke nou resevwa atravè priyè anpil moun.

2 Korent 9:15

Remèsiman a Bondye pou don Li ki depase tout sa ki kapab eksprime.

Efezyen 1:16

m pa janm sispann bay remèsiman pou nou menm, pandan m ap nonmen non nou nan lapriyè

Efezyen 4:29

Pa kite okenn vye mo sal sòti nan bouch nou, men sèlman kalite mo ki bon pou edifikasyon selon bezwen moman an, pou li kapab bay gras a sila ki tande l yo.

Filipyen 4:6

Pa enkyete nou pou anyen, men nan tout bagay pa lapriyè ak siplikasyon, avèk remèsiman, fè demand nou yo byen koni a Bondye.

Kolosyen 3:8

Men koulye a, nou menm tou mete yo tout sou kote; Move san, kòlè, mechanste, kout lang, ak move jouman ki sòti nan bouch nou.

1 Tesalonisyen 3:9

Paske ki remèsiman nou kapab bay Bondye anretou pou tout jwa ki fè nou rejwi devan Bondye akoz ou menm?

1 Tesalonisyen 5:18

Nan tout bagay bay remèsiman, paske sa se volonte Bondye pou nou nan Kris Jésus a.

Filemon 1:8

Konsa malgre ke mwen gen ase konfyans nan Kris pou bay ou lòd pou fè sa ki bon,

Ebre 13:15

Alò, atravè Li menm, annou ofri yon sakrifis lwanj pou Bondye san rete, ki se fwi a lèv ki bay remèsiman a non Li yo.

2 Pyè 2:18

Paske nan pale fò avèk awogans ak vanite, yo sedwi pa dezi lachè yo, pa sansyalite, atake sila ki prèske pa gen fòs yo pou chape devan sila ki viv nan erè yo,

2 Pyè 2:7

epi si li te delivre Lot ki te yon nonm ladwati, oprime pa sansyalite a mesye san prensip yo,

Jid 1:10

Men moun sa yo meprize sa ke yo pa menm konprann. Konsa, se pa bagay yo ke yo konnen pa lensten, kon bèt ki pa ka menm rezonen, ke yo vin detwi.

Jid 1:13

volas lanmè sovaj yo, k ap kimen nan pwòp wont yo tout kalite lenpirite yo; zetwal erann pou kilès tenèb nwa a te rezève jis pou janmen.