Detewonòm 18:13 - Bib Sen An: Kreyòl Ayisyen

¹³ “Fòk nou san fot devan SENYÈ a, Bondye nou an.

1998 Haïtienne

¹³ Piga nou janm fè sa Senyè a, Bondye nou an, pa vle nou fè.

Detewonòm 18:13 Referans Kwoze

Jenèz 17:1

Alò, lè Abram te gen laj katre-ven-sèz ane, SENYÈ a te parèt a Abram. Li te di li: “Mwen menm se Bondye Toupwisan an. Mache devan mwen, e rete san fot.

Jenèz 6:9

Sa yo se achiv jenerasyon Noé yo. Noé se te yon moun ak ladwati, san fot nan tan pa li a. Noé te mache avèk Bondye.

1 Wa 8:61

“Pou sa, kite kè nou vin dedye nèt a SENYÈ a, pou mache nan règleman Li yo, kenbe kòmandman Li, menm jan sa ye nan jou sila a.”

Jòb 1:1

Te gen yon mesye nan peyi Uts ki te rele Job. Nonm sa a te san repwòch, dwat, te gen lakrent Bondye e te vire kite tout mal.

Jòb 1:8

SENYÈ a te di a Satan: “Èske ou remake sèvitè mwen an, Job? Paske nanpwen okenn tankou li sou latè, yon nonm san repwòch ki gen lakrent Bondye, e ki vire kite mal.”

Sòm 37:37

Byen remake nonm san tò a, epi gade byen nonm ladwati a, paske nonm lapè a va gen posterite.

Matye 5:48

Pou sa, nou dwe pafè menm jan ke Papa nou ki nan syèl la pafè.”

Filipyen 3:12

Se pa ke m rive la deja oubyen ke m vin pafè deja, men mwen ap pouse pi rèd pou m kapab rive sou pèfeksyon sa a ki te fè Kris Jésus mete men l sou mwen an.

Filipyen 3:15

Konsa, otan nan nou ki pafè, annou gen menm panse sa a. Epi si nan nenpòt bagay nou pa reflechi konsa Bondye va osi revele sa a nou.

Jozye 24:14

“Koulye a, pou sa, gen lakrent SENYÈ a e sèvi Li avèk bon kè ak verite. Mete akote dye ke zansèt nou yo te konn sèvi lòtbò Rivyè a ak an Égypte pou sèvi SENYÈ a.

Revelasyon 3:2

Reveye nou, e ranfòse bagay ki rete yo, ke ou te prèt pou jete deyò; paske Mwen pa twouve zèv nou yo konplè nan zye Bondye.