Detewonòm 11:12 - Bib Sen An: Kreyòl Ayisyen

¹² yon peyi ke SENYÈ a, Bondye nou an, renmen anpil. Zye a SENYÈ a, Bondye nou an, toujou sou li, soti nan kòmansman jis rive nan fen ane a.

1998 Haïtienne

¹² Se yon peyi Senyè a, Bondye nou an, ap pran swen, yon peyi l'ap veye pou anyen pa rive l depi premye jou nan lanne a rive dènye jou a.

Detewonòm 11:12 Referans Kwoze

1 Wa 9:3

SENYÈ a te di li: “Mwen fin tande priyè ou ak siplikasyon ke ou te fè devan M nan. Mwen te konsakre kay sa a ke ou te bati nan mete non Mwen la pou tout tan. Zye Mwen avèk kè Mwen va la pou tout tan ale nèt.

2 Wa 18:32

jiskaske mwen rive pou pran nou ale nan yon lòt peyi, yon peyi ak sereyal avèk diven nèf, yon peyi avèk bwa doliv ak siwo myèl, pou nou kapab viv e pa mouri.’ Men pa koute Ézéchias lè li mal dirije nou pou di: ‘SENYÈ a va delivre nou.’

Esdras 5:5

Men zye a Bondye pa yo te veye sou ansyen nan Jwif yo, e yo pa t fè yo sispann jiskaske yon rapò te sòti nan Darius, wa Perse la.

Sòm 33:18

Veye byen, zye SENYÈ a sou sila ki krent Li yo, sou sila ki mete espwa yo nan lanmou dous Li a,

Sòm 34:15

Zye a SENYÈ a sou sila ki dwat yo. Zòrèy Li koute kri yo.

Sòm 65:11

Ou te kouwone ane a avèk bonte Ou. Kabwa yo plen pwodwi rekòlt la.

Ezayi 36:17

jiskaske m vin mennen nou ale nan yon peyi tankou peyi pa nou an, yon peyi ak anpil sereyal ak diven nèf, yon peyi ak pen ak chan rezen.

Jeremi 24:6

Paske Mwen va fikse zye M sou yo pou byen e Mwen va mennen yo ankò nan peyi sa a. Mwen va bati yo, e Mwen p ap rale fè yo desann. Mwen va plante yo e Mwen p ap rache yo.