1 Wa 21:4 - Bib Sen An: Kreyòl Ayisyen

⁴ Konsa, Achab te rive lakay li pa kontan e byen vekse akoz pawòl ke Naboth, Jizreyelit la, te pale a li a, paske li te di: “Mwen p ap bay ou eritaj zansèt mwen yo.” Li te kouche sou kabann li, te vire figi li akote e li pa t manje manje.

1998 Haïtienne

⁴ Akab al lakay li min li byen mare. Li te fache poutèt Nabòt te di l li p'ap vann byen eritaj li a. Li moute kabann, li kouche, li bay figi l nan panno, li derefize manje.

1 Wa 21:4 Referans Kwoze

2 Samyèl 13:2

Amnon te tèlman fristre akoz sè li, Tamar, ke sa te fè li vin malad, paske li te vyèj e li te sanble difisil pou Amnon fè yon bagay ak li.

2 Samyèl 13:4

Li te di li: “O fis a wa a, poukisa ou deprime maten apre maten konsa? Èske ou p ap di m sa?” Epi Amnon te di li: “Mwen tonbe nan renmen avèk Tamar, sè a frè m nan, Absalom.”

1 Wa 20:43

Konsa, wa Israël la te ale lakay li pa kontan e byen vekse pou te rive Samarie.

1 Wa 21:1

Alò, li te vin rive apre bagay sa yo ke Naboth, Jizreyelit la te gen yon chan rezen ki te nan Jizréel akote palè Achab, wa Samarie a.

1 Wa 21:3

Men Naboth te di a Achab: “Ke SENYÈ a ta anpeche m ba ou eritaj zansèt mwen yo.”

1 Wa 21:5

Men Jézabel, madanm li, te vin kote li e te di li: “Kijan lespri ou tèlman ba ke ou pa manje manje a?”

Estè 5:13

Malgre tout sa, mwen vin pa kontan chak fwa ke m wè Mardochée, Jwif ki chita nan pòtay a wa a.”

Jòb 5:2

Paske rankin va touye moun ki plen foli, e jalouzi va touye moun senp lan.

Eklezyas 6:9

Sa ke zye wè pi bon pase sa ke nanm dezire. Sa tou, se san rezon ak kouri dèyè van.

Jonas 4:1

Men sa te fè Jonas pa kontan anpil e li te vin fache.

Jonas 4:4

SENYÈ a te di: “Èske ou gen bon rezon pou ou fache a?”

Jonas 4:8

Lè solèy la te leve, Bondye te chwazi yon van lès byen cho, solèy la te bat tèt Jonas jiskaske li te vin fèb. Konsa, li t ap mande ak tout nanm li, e te di: “Lanmò pi bon ke lavi pou mwen.”

Jonas 4:9

Epi Bondye te di a Jonas: “Èske ou gen bon rezon pou fache akoz lyann nan?” Jonas te reponn: “Mwen gen bon rezon pou m fache, menm jiska lanmò.”

Efezyen 4:27

epi pa bay Dyab la opòtinite.

Jak 1:14

Men chak moun tante lè li pote ale pa pwòp move dezi li yo.

1 Samyèl 28:23

Men li te refize. Li te di: “Mwen p ap manje.” Men sèvitè li yo te ankouraje li e li te koute yo. Konsa, li te leve sou tè a pou te chita sou kabann nan.