1 Samyèl 9:25 - Bib Sen An: Kreyòl Ayisyen

²⁵ Lè yo te kite plas anwo a pou antre nan vil la, Samuel te pale avèk Saül anwo twati a.

1998 Haïtienne

²⁵ Apre sa, yo desann sòti sou mòn lan, y'al lavil la. Yo ranje yon kabann pou Sayil sou teras ki anwo kay la.

1 Samyèl 9:25 Referans Kwoze

2 Samyèl 11:2

Epi lè lannwit te vin rive, David te leve nan kabann li. Li te mache antoure twati kay wa a, soti nan twati a, li te wè yon fanm ki t ap benyen. Epi fanm nan te byen bèl nan aparans li.

Neyemi 8:16

Pou sa, pèp la te sòti e te pote yo pou fè tonèl yo pou yo menm, chak nan twati pla anwo kay pa yo, oswa nan lakou yo, nan lakou lakay Bondye a, nan plas kote Pòtay Dlo a, e nan plas kote Pòtay Ephraïm nan.

Jeremi 19:13

Lakay Juda ak lakay a wa Juda yo va vin souye kon Topheth, akoz anwo twati a tout kay yo te brile sakrifis a tout lame syèl yo, e te vide bwason kon ofrann a lòt dye yo.”’”

Matye 10:27

Sa ke Mwen di nou nan tenèb, pale li nan plen limyè, e sa ke nou tande yo chikote nan zòrèy nou, pwoklame li sou twati kay la.

Matye 24:17

Nenpòt moun ki anwo kay la pa dwe desann pou pran byen li nan kay li,

Lik 5:19

Men san twouve mwayen pou fè l antre akoz foul la, yo te monte sou tèt kay la, e te fè l desann nan yon twou nan kouvèti mitan foul la, devan Jésus.

Travay 10:9

Nan jou apre a, pandan yo te nan chemen yo, ap pwoche vil la Pierre te ale sou do kay la nan anviwon sizyèm è pou priye.

Detewonòm 22:8

“Lè nou bati yon kay tounèf, nou va fè yon balistrad ki antoure teras twati a pou nou pa vin koupab de san si yon moun ta vin tonbe.

1 Samyèl 9:26

Yo te leve bonè. Lè li fenk jou, Samuel te rele Saül sou twati a. Li te di: “Leve pou m kab voye ou ale.” Konsa, Saül te leve, e li menm ansanm ak Samuel te ale nan lari.