1 Samyèl 4:19 - Bib Sen An: Kreyòl Ayisyen

¹⁹ Alò, bèlfi li, madanm a Phinées te ansent e prèt pou akouche. Lè li te tande nouvèl ke lach Bondye a te pran an kaptivite e ke bòpè li avèk mari li te mouri, li te bese sou jenou li e te akouche, paske doulè li te vin rive sou li.

1998 Haïtienne

¹⁹ Bèlfi Eli a, madanm Fineas, te ansent, li t'ap tann jou pou l akouche. Lè li tande yo te pran Bwat Kontra Bondye a, epi bòpè l ansanm ak mari l te mouri, lamenm tranche pran l, li akouche.

1 Samyèl 4:19 Referans Kwoze

Jenèz 3:16

A fanm nan Li te di: “Mwen va miltipliye anpil doulè ke ou va gen nan fè pitit; ak doulè ou va gen nan pouse pitit; malgre sa, dezi ou va pou mari ou, e li va domine sou ou.”

Jenèz 35:17

Lè li te nan doulè rèd konsa, fanm saj la te di l: “Pa pè koulye a, paske ou va gen yon lòt gason.”

1 Wa 14:1

Nan lè sa a, Abija, fis a Jéroboam nan, te vin malad.

Sòm 78:64

Prèt Li yo te tonbe pa nepe e Vèv Li yo pa t kab kriye.

Jeremi 26:6

konsa, Mwen va fè kay sila kon Silo e vil sa a, Mwen va fè li vin yon madichon pou tout nasyon sou latè yo.’”

1 Samyèl 4:18

“Lè li te mansyone lach Bondye a, Éli te tonbe sou chèz li pa dèyè akote pòtay la. Kou li te kase, e li te mouri, paske li te fin granmoun e li te gra.” Konsa, li te jije Israël pandan karant ane.

1 Samyèl 4:20

Epi nan lè li t ap mouri an, fanm ki te kanpe akote li a te di li: “Pa pè, paske ou te bay nesans a yon fis.” Men li pa t reponn li ni li pa t okipe li.