1 Samyèl 28:1 - Bib Sen An: Kreyòl Ayisyen

¹ Alò, li te vin rive nan jou sa yo ke Filisten yo te rasanble kan lame pa yo pou fè lagè, pou goumen kont Israël. Epi Akisch te di a David: “Konnen byensi ke ou va sòti avè m nan kan an, ou menm avèk mesye pa ou yo.”

1998 Haïtienne

¹ Kèk tan apre sa, moun Filisti yo sanble tout sòlda yo pou y'al goumen ak pèp Izrayèl la. Lè sa a, Akich di David: — Ou tou konnen se pou ou pati ansanm avè m ak mesye ou yo pou n'al goumen.

1 Samyèl 28:1 Referans Kwoze

1 Samyèl 13:5

Filisten yo te rasanble pou goumen avèk Israël; trant-mil cha avèk si-mil chevalye ak kantite moun ki te tankou sab ki bò lanmè. Anpil konsa, e yo te vin monte pou te fè kan nan Micmasch, nan lès a Beth-Aven.

1 Samyèl 17:1

Alò, Filisten yo te rasanble lame yo pou batay. Yo te rasanble vè Soco ki pou Juda e yo te fè kan antre Soco avèk Azéka nan Éphés-Dammim.

1 Samyèl 27:12

Konsa, Akisch te kwè David, Li te di: “Anverite, li vin fè tèt li rayisab pami pèp Israël pa l la. Konsa, li va sèvitè pa m jis pou tout tan.”

1 Samyèl 31:1

Alò Filisten yo t ap goumen kont Israël e mesye Israël yo te kouri devan Filisten yo, e yo te tonbe mouri sou Mòn Guilboa.

1 Samyèl 7:7

Alò, lè Filisten yo te tande ke fis Israël yo te rasanble nan Mitspa, e prens a Filisten yo te vin monte kont Israël. Lè fis Israël yo te tande sa, yo te krent Filisten yo.