1 Jan 2:5 - Bib Sen An: Kreyòl Ayisyen

⁵ Men nenpòt ki kenbe pawòl Li, nan li lamou Bondye a vrèman gen tan vin konplete. Men ki jan nou konnen ke nou se nan li:

1998 Haïtienne

⁵ Men, moun ki obeyi pawòl Bondye a, se moun sa a ki konmanse renmen Bondye tout bon vre. Men ki jan nou ka konnen nou fè yonn ak Bondye:

Nouvo Testaman: Vèsyon Kreyòl Fasil

⁵ Men lè nou obeyi ansèyman Bondye yo, lanmou li ap travay nan nou tout bon vre. Se kon sa nou konnen n ap viv nan li.

1 Jan 2:5 Referans Kwoze

Sòm 105:45

pou yo te kab kenbe règleman Li yo, e swiv lwa Li yo. Louwe SENYÈ a!

Sòm 106:3

A la beni sila ki kenbe jistis yo beni. Beni se sila ki pratike ladwati nan tout tan yo!

Sòm 119:146

Mwen te kriye a Ou menm. Sove mwen! Mwen va obeyi tout regleman Ou yo.

Sòm 119:2

A la beni se sila ki kenbe temwayaj Li yo, Ki chache Li ak tout kè yo.

Sòm 119:4

Ou te òdone règleman Ou yo, pou nou ta kenbe yo ak dilijans.

Pwovèb 28:7

Sila ki kenbe lalwa a se yon fis ak bon konprann; men sila ki fè zanmi ak moun voras fè papa l wont.

Pwovèb 8:32

“Alò, pou sa, fis yo, koute mwen; paske beni se sila ki kenbe chemen mwen yo.

Eklezyas 8:5

Sila ki swiv yon kòmand wayal pa jwenn twoub; paske yon kè saj konnen tan ak mwayen ki bon pou aji.

Ezekyèl 36:27

Mwen va mete Lespri M anndan nou, fè nou mache nan règleman Mwen yo e nou va fè atansyon pou swiv tout lwa Mwen yo.

Lik 11:28

Men Li te di: “Okontrè, beni se sila yo ki tande pawòl Bondye a, e ki swiv li.”

Jan 14:21

“Moun ki gen kòmandman Mwen yo, e kenbe yo, se li ki renmen M. E li menm ki renmen M, ap renmen pa Papa Mwen, e Mwen va renmen l epi va devwale M a li.”

Jan 14:23

Jésus te reponn e te di Li: “Si nenpòt moun renmen M, li va kenbe pawòl Mwen, e Papa M va renmen li, e Nou va vin kote li, epi va demere avèk li”.

Jan 15:5

“Mwen se pye rezen an, nou se branch yo. Moun ki rete nan Mwen, e Mwen nan li, li pote anpil fwi. Paske apa de Mwen, nou pa kapab fè anyen.

Jan 6:56

“Moun ki manje chè M epi bwè san Mwen, rete avè M, epi Mwen menm avèk li.

Women 8:1

Konsa nanpwen okenn kondanasyon pou sila ki nan Kris Jésus yo, ki pa mache selon lachè a, men selon Lespri a.

1 Korent 1:30

Men selon sa ke Li menm te fè a, nou nan Jésus Kri. Se Li ki te devni pou nou sajès ki soti nan Bondye, ansanm ak jistis, sanktifikasyon, ak redanmsyon.

2 Korent 5:17

Donk Si yon moun nan Kris, Li se yon kreyati tounèf. Ansyen bagay yo vin pase. Gade byen, tout bagay vin tounèf.

2 Korent 5:21

Li te fè Sila ki pa t konnen okenn peche a devni peche pou nou menm, pou nou ta kapab devni ladwati Bondye nan Li menm.

Jak 2:22

Nou wè ke lafwa t ap travay avèk zèv li yo, e kòm rezilta a, zèv lafwa li a te vin pafè.

1 Jan 3:24

Sila a ki kenbe kòmandman Li yo, rete nan Li, epi Li rete nan li menm. Nou konnen konsa ke Li rete nan nou, akoz Li te bay nou Lespri Li.

1 Jan 4:17

Se konsa, lamou vin pèfekte avèk nou, pou nou kapab gen konfyans nan jou jijman an; akoz ke menm jan Li ye, nou menm tou se konsa nou ye nan lemonn sa.

1 Jan 4:18

Pa gen lakrent nan lamou; men lamou pafè va mete lakrent deyò, paske lakrent gen pinisyon, men sila ki gen perèz pa pèfekte nan lamou.

1 Jan 5:2

Men konsa nou konnen ke nou renmen pitit a Bondye yo, lè nou renmen Bondye, epi obeyi kòmandman Li yo.

1 Jan 5:20

Nou konnen ke Fis Bondye a gen tan vini, e te bay nou konprann pou nou ta kapab konnen Li ki se vrè. Konsa, nou nan Li ki se vrè, nan Fis Li, Jésus Kri. Sa se vrè Bondye a epi lavi etènèl la.

2 Jan 1:6

Men sa se lanmou, pou nou mache selon kòmandman Li yo. Sa se kòmandman an, jis jan ke ou te tande li depi nan kòmansman an, pou ou ta mache nan li.

Revelasyon 12:17

Donk, dragon a te vin anraje avèk fanm nan. Konsa, li te ale pou fè lagè avèk rès pitit li yo ki kenbe kòmandman Bondye yo, e ki kenbe temwayaj a Jésus a.

Revelasyon 14:12

Men isit, pèseverans a sen ki kenbe kòmandman Bondye yo avèk lafwa yo nan Jésus.