Jozye 11:14 - 1998 Haïtienne

¹⁴ Moun pèp Izrayèl yo pran tout bagay ak tout bèt yo te jwenn nan lavil yo. Men, yo touye tout moun, yo pa kite yonn chape.

Bib Sen An: Kreyòl Ayisyen

¹⁴ Tout piyaj lakay sila yo ak bèt yo, fis Israël yo te pran yo kòm byen sezi pa yo. Men yo te frape tout moun avèk lam nepe jiskaske yo te detwi yo. Yo pa t kite pèsòn respire.

Jozye 11:14 Referans Kwoze

2 Kwonik 20:25

Jozafa ansanm ak lame li a desann al piye tou sa lènmi yo te kite, yo jwenn kantite bèt, pwovizyon, rad ak anpil lòt bagay ki te gen valè. Yo pase twa jou ap ranmase. Men te gen sitèlman, yo pat ka pran tout pote ale.

Nonb 31:9

Moun Izrayèl yo fè tout fanm ak tout timoun Madyan yo prizonye. Yo pase men yo pran tout bèf yo, tout mouton yo, tout kabrit yo ak tout lòt byen yo.

Detewonòm 20:14

Men, n'a pran tout fanm yo, tout pitit yo, tout bèt yo ak tou sa ki nan lavil la, ak tout byen lènmi yo va kite pou nou. N'a manje tou sa n'a pran nan men lènmi nou yo paske se Senyè a menm ki ban nou yo.

Detewonòm 20:16

Men, lè nou pran yon lavil ki nan limit peyi Senyè a ap ban nou pou nou rete a, se pou nou touye tou sa ki vivan ladan l.

Jozye 10:40

Se konsa Jozye te fè tout peyi a soumèt devan li. Li te kraze tout wa yo, kit sa ki t'ap gouvènen nan mòn yo ak nan Negèb, kit sa ki t'ap gouvènen nan plenn yo ak sou ti mòn yo. Li pa kite yon moun chape. Li touye dènye moun, dènye bèt, tankou Senyè a, Bondye pèp Izrayèl la, te ba li lòd fè a.

Jozye 11:11

Li fè touye dènye moun ak dènye bèt. Yo pa kite yonn menm chape. Lèfini, li mete dife nan lavil la.

Jozye 11:13

Men, moun Izrayèl yo pat boule okenn lavil nan lavil ki te bati sou ti mòn yo, an wetan lavil Azò Jozye te fè boule.

Jozye 11:15

Senyè a te bay Moyiz, sèvitè li a, lòd li yo. Moyiz menm te bay Jozye menm lòd yo tou. Se konsa Jozye te fè tou sa Senyè a te bay Moyiz lòd fè, san manke anyen.

Jozye 8:2

Menm sa ou te fè moun lavil Jeriko yo ak wa yo a, se sa ou pral fè moun lavil Ayi yo ak wa yo a. Men, fwa sa a, n'a gendwa pran byen yo ak bèt yo pou nou. Fè sòlda yo al anbiske kò yo pou yo atake lavil la pa dèyè.

Jozye 8:27

Moun Izrayèl yo te pran tout bèt moun yo ak tout byen yo pou yo, jan Senyè a te bay Jozye lòd la.