2 Kwonik 20:12 - 1998 Haïtienne

¹² Ou sse Bondye nou. Se ou menm ki pou pini yo paske nou pa gen fòs pou nou kanpe devan gwo lame sa a k'ap vin atake nou an. Nou pa konn sa pou nou fè. N'ap tann sa ou pral fè pou nou.

Bib Sen An: Kreyòl Ayisyen

¹² O Bondye nou, èske Ou p ap jije yo? Paske nou san pouvwa devan gran foul sila a k ap vini kont nou an. Ni nou pa konnen kisa pou nou fè, men zye nou ap gade sou Ou.”

2 Kwonik 20:12 Referans Kwoze

2 Samyèl 14:11

Fanm lan di ankò: — Tanpri monwa! Lapriyè Senyè a, Bondye ou la, pou moun nan fanmi an ki reskonsab pran revanj lanmò pitit gason mwen an pa fè plis dega toujou, pou li pa touye lòt pitit gason ki ret mwen an. David reponn li: — Mwen sèmante devan Senyè vivan an, mwen p'ap kite yo manyen yon grenn cheve nan tèt ti gason ou lan!

1 Wa 1:20

Kounyeya, monwa, je tout pèp Izrayèl la sou ou, y'ap tann ou di yo ki moun ki pral chita sou fòtèy la apre ou.

2 Wa 6:15

Nan denmen maten, domestik pwofèt la leve byen bonè, li sòti. Li wè te gen yon gwo lame ki te sènen tout lavil la ak anpil chwal ak anpil cha lagè. Lamenm, l'al di Elize: — Mèt, mèt, malè sou nou! Kisa nou pral fè la a?

2 Kwonik 20:13

Tout mesye peyi Jida yo te kanpe la devan kay Senyè a, ansanm ak madanm yo, pitit yo ak pitit pitit yo.

Sòm 141:8

Men, Senyè, Bondye, se sou ou m'ap gade. Se bò kote ou m'ap chache pwoteksyon. Tanpri, pa kite m san sekou!

Sòm 25:15

Se sou Senyè a m'ap gade tout tan, l'ap delivre m lè m nan move pa.

Sòm 43:1

Fè m jistis, Bondye. Defann kòz mwen kont moun sa yo ki pa konnen ou. Delivre m anba moun sa yo k'ap bay manti, k'ap fè mechanste.

Sòm 7:6

(7) Senyè, leve non! Mete ou ankòlè! Leve, pran pozisyon kont lènmi m yo ki fin debòde. Leve non! Vin pote m sekou, paske se jistis ou m'ap chache.

Sòm 7:8

(9) Ou menm Senyè, ou se jij tout moun. Tanpri, Senyè, fè m jistis paske mwen mache dwat, mwen inonsan.

Sòm 9:19

(20) Leve non, Senyè! Pa kite lèzòm genyen batay la! Mennen moun lòt nasyon yo vin jije devan ou.

Sòm 94:2

Ou menm k'ap jije tout moun sou latè, leve non! Bay moun k'ap pran pòz gwokolèt yo sa yo merite!

Ezayi 2:4

L'ap regle tout kont nasyon yo gen yonn ak lòt. L'ap jije tout gwo peyi yo. Y'a pran mato, y'a fè zam yo tounen zouti pou travay tè. Y'a fè nepe yo tounen kouto digo. Nasyon yo p'ap fè lagè yonn ak lòt ankò. Yo p'ap janm aprann fè lagè ankò.

Ezayi 42:4

Li p'ap pèdi espwa, li p'ap pèdi kouray, jouk l'a fin mete jistis toupatou sou latè, jouk moun ki nan zile yo va rete ap tann lòd l'ap bay yo.

Ezayi 45:22

Tounen vin jwenn mwen pou nou ka delivre, nou tout ki rete sou latè! Paske se mwen ki Bondye. Pa gen lòt!

Jowèl 3:12

Se pou tout nasyon ki sou lizyè fontyè peyi a sanble tout lame yo pou yo vini nan Fon Jijman an, paske se la mwen pral chita pou m jije tout nasyon ki sou lizyè fontyè peyi a.

Jonas 2:4

M'ap di nan kè mwen Genlè ou voye m' jete lwen ou nèt! Mwen p'ap janm wè kay ki apa pou ou a ankò!

Detewonòm 32:36

Senyè a pral pran defans pèp li a, lè la wè tout fòs yo fin desann. Li pral gen pitye pou sèvitè l yo, lè la wè pa gen anpil ankò ki rete, ni anndan peyi a, ni deyo.

Revelasyon 19:11

Apre sa, mwen wè syèl la louvri, epi o! yon chwal blan parèt. Yo te rele moun ki sou li a: Nonm serye ki pa nan bay manti. L'ap jije, l'ap mennen batay la jan sa dwe fèt.

Jij 11:27

Non. Mwen pa fè nou anyen, se nou menm ki fè m lè nou vin fè m lagè. Se Senyè a sèl moun ki pou jije. L'a deside ant pèp Izrayèl la ak pèp Amori a kilès ki gen rezon!

1 Samyèl 14:6

Jonatan di jenn gason an: — Ann janbe lòt bò nan kan moun Filisti yo, bann moun sa yo ki pa sèvi Senyè a. Ou pa janm konnen, Senyè a ka ede nou. Paske pa gen anyen ki ka anpeche l fè nou genyen, nou te mèt anpil, nou te mèt pa anpil.

1 Samyèl 3:13

Mwen te di l mwen ta pral pini fanmi l lan yon sèl kou pou m fini ak yo poutèt pitit gason l yo. Li konnen yo t'ap fè sa ki mal, yo t'ap pale Bondye mal, epi li pa di yo anyen.