Mak 1:26 - Bib Sen An: Kreyòl Ayisyen

Move lespri a te boulvèse li avèk gwo kriz. Li te kriye ak yon vwa fò, e te kite li.

1998 Haïtienne

Move lespri a souke nonm lan byen souke, li bay yon gwo rèl, epi li sòti, l ale.

Nouvo Testaman: Vèsyon Kreyòl Fasil

Movèzespri a sakaje misye a. Li pouse yon gwo kri epi li sòti sou misye a.

Mak 1:26 Referans Kwoze

Mak 1:25

Konsa Jésus te reprimande L. Li te di l: “Pe la, e sòti nan li!”

Mak 1:27

Yo tout te etone. Yo te diskite pami yo e te di: “Kisa sa ye? Yon enstriksyon nèf? Avèk otorite Li kòmande menm move lespri yo, e yo obeyi Li!”

Mak 9:20

Yo te pote gason an kote Li. E lè li te wè L, lapoula lespri a te jete li nan yon gwo kriz. Li te tonbe atè, te kòmanse woule toupatou e kimen nan bouch.

Mak 9:26

Lè lespri a fin kriye fò, e jete li nan gwo kriz tèrib, li te sòti. Ti gason an te tèlman parèt kon yon kadav, ki te fè pi fò nan yo te di: “Li mouri!”

Lik 11:22

Men lè yon moun avèk plis fòs pase l vin atake l, li bat li, e li retire nan men li tout zam li yo, pou l vin divize piyaj la.

Lik 9:39

Yon lespri konn sezi li. Li rele fò, lespri a jete li nan gwo kriz ki fè bouch li kimen, e pandan lespri a ap kite li, li kontinye maspinen l nèt jiskaske li ale.

Lik 9:42

Pandan Li t ap pwoche, dyab la te voye l atè, e te jete l nan yon gwo kriz. Men Jésus te repwòche lespri enpi a; Li te geri gason an, e te remèt li bay papa l.