1 Kwonik 28:19 - Bib Sen An: Kreyòl Ayisyen

David te di: “SENYÈ a te fè M konprann avèk men L ki te ekri pou mwen, tout detay a modèl sila a.”

1998 Haïtienne

David di li: — Tout plan travay la ekri an detay nan yon liv dapre lòd Senyè a menm te ban mwen. Li esplike m tou sa pou m fè.

1 Kwonik 28:19 Referans Kwoze

1 Wa 6:38

Nan onzyèm ane a, nan mwa Bul la, ki se uityèm mwa a, kay la te fini nan tout pati li e selon plan pa li a. Konsa, li te bati pandan sèt ane.

Egzòd 25:40

“Veye pou nou fè yo selon patwon ki pou yo a, ki te montre a ou nan mòn nan.”

Egzòd 26:30

“Ou va monte tabènak la selon plan ki te montre a ou sou mòn nan.

Ezekyèl 1:3

Pawòl SENYÈ a te rive eksprè a Ézéchiel, prèt la, fis a Buzi, nan peyi Kaldeyen yo akote rivyè Kebar a; epi la, men SENYÈ a te vini sou li.)

Ezekyèl 3:14

Konsa, Lespri a te leve mwen monte e te pran m ale. Mwen te vini byen anmè ak laraj nan lespri m, e men SENYÈ a te fò sou mwen.

Ezekyèl 3:22

Men a SENYÈ a te sou mwen la, e Li te di m: “Leve ou menm, ale deyò nan plèn nan, epi la, Mwen va pale avèk ou.”

Ezekyèl 40:2

Nan vizyon a Bondye yo, Li te mennen m nan peyi Israël, Li te depoze m sou yon mòn byen wo. Epi sou li vè sid te gen yon konstriksyon tankou yon vil.