כי אתה קנית כליתי תסכני בבטן אמי׃
כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃
כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃
הלא בבטן עשׂני עשׂהו ויכננו ברחם אחד׃
ידיך עשׂוני ויכוננוני הבינני ואלמדה מצותיך׃
עליך נסמכתי מבטן ממעי אמי אתה גוזי בך תהלתי תמיד׃
באו נשׁתחוה ונכרעה נברכה לפני יהוה עשׂנו׃
כה אמר יהוה עשׂך ויצרך מבטן יעזרך אל תירא עבדי יעקב וישׁרון בחרתי׃
שׁמעו אלי בית יעקב וכל שׁארית בית ישׂראל העמסים מני בטן הנשׂאים מני רחם׃
בטרם אצורך בבטן ידעתיך ובטרם תצא מרחם הקדשׁתיך נביא לגוים נתתיך׃