ידיך עשׂוני ויכוננוני הבינני ואלמדה מצותיך׃
יָדֶ֣יךָ עָ֭שׂוּנִי וַֽיְכוֹנְנ֑וּנִי הֲ֝בִינֵ֗נִי וְאֶלְמְדָ֥ה מִצְוֺתֶֽיךָ׃
אך יתן לך יהוה שׂכל ובינה ויצוך על ישׂראל ולשׁמור את תורת יהוה אלהיך׃
(2:11) ויאמר חורם ברוך יהוה אלהי ישׂראל אשׁר עשׂה את השׁמים ואת הארץ אשׁר נתן לדויד המלך בן חכם יודע שׂכל ובינה אשׁר יבנה בית ליהוה ובית למלכותו׃
הלא בבטן עשׂני עשׂהו ויכננו ברחם אחד׃
אכן רוח היא באנושׁ ונשׁמת שׁדי תבינם׃
דעו כי יהוה הוא אלהים הוא עשׂנו ולא אנחנו עמו וצאן מרעיתו׃
ראשׁית חכמה יראת יהוה שׂכל טוב לכל עשׂיהם תהלתו עמדת לעד׃
עבדך אני הבינני ואדעה עדתיך׃
צדק עדותיך לעולם הבינני ואחיה׃
תקרב רנתי לפניך יהוה כדברך הבינני׃
הבינני ואצרה תורתך ואשׁמרנה בכל לב׃
יהוה יגמר בעדי יהוה חסדך לעולם מעשׂי ידיך אל תרף׃
באו נשׁתחוה ונכרעה נברכה לפני יהוה עשׂנו׃