יואל 3:16 - Masoretic Text 1524

(4:16) ויהוה מציון ישׁאג ומירושׁלם יתן קולו ורעשׁו שׁמים וארץ ויהוה מחסה לעמו ומעוז לבני ישׂראל׃

יואל 3:16 הפניות הצלבה

תהלים 18:2

(18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃

תהלים 29:11

יהוה עז לעמו יתן יהוה יברך את עמו בשׁלום׃

תהלים 61:3

(61:4) כי היית מחסה לי מגדל עז מפני אויב׃

משלי 18:10

מגדל עז שׁם יהוה בו ירוץ צדיק ונשׂגב׃

ישעיה 33:16

הוא מרומים ישׁכן מצדות סלעים משׂגבו לחמו נתן מימיו נאמנים׃

ישעיה 33:21

כי אם שׁם אדיר יהוה לנו מקום נהרים יארים רחבי ידים בל תלך בו אני שׁיט וצי אדיר לא יעברנו׃

ישעיה 42:13

יהוה כגבור יצא כאישׁ מלחמות יעיר קנאה יריע אף יצריח על איביו יתגבר׃

ישעיה 51:16

ואשׂים דברי בפיך ובצל ידי כסיתיך לנטע שׁמים וליסד ארץ ולאמר לציון עמי אתה׃

ירמיה 16:19

יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שׁקר נחלו אבותינו הבל ואין בם מועיל׃

ירמיה 17:17

אל תהיה לי למחתה מחסי אתה ביום רעה׃

יחזקאל 38:19

ובקנאתי באשׁ עברתי דברתי אם לא ביום ההוא יהיה רעשׁ גדול על אדמת ישׂראל׃

הושע 11:10

אחרי יהוה ילכו כאריה ישׁאג כי הוא ישׁאג ויחרדו בנים מים׃

עמוס 1:2

ויאמר יהוה מציון ישׁאג ומירושׁלם יתן קולו ואבלו נאות הרעים ויבשׁ ראשׁ הכרמל׃

עמוס 3:8

אריה שׁאג מי לא יירא אדני יהוה דבר מי לא ינבא׃

נחום 1:7

טוב יהוה למעוז ביום צרה וידע חסי׃

חגי 2:6

כי כה אמר יהוה צבאות עוד אחת מעט היא ואני מרעישׁ את השׁמים ואת הארץ ואת הים ואת החרבה׃

חגי 2:7

והרעשׁתי את כל הגוים ובאו חמדת כל הגוים ומלאתי את הבית הזה כבוד אמר יהוה צבאות׃

זכריה 10:12

וגברתים ביהוה ובשׁמו יתהלכו נאם יהוה׃

זכריה 10:6

וגברתי את בית יהודה ואת בית יוסף אושׁיע והושׁבותים כי רחמתים והיו כאשׁר לא זנחתים כי אני יהוה אלהיהם ואענם׃

זכריה 9:12

שׁובו לבצרון אסירי התקוה גם היום מגיד משׁנה אשׁיב׃

שמואל א 15:29

וגם נצח ישׂראל לא ישׁקר ולא ינחם כי לא אדם הוא להנחם׃