איוב 1:21 - Masoretic Text 1524

ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃

תנ"ך וברית חדשה בתרגום מודני

וַיֹּאמֶר֩ עָרֹ֨ם (יצתי)* יָצָ֜אתִי* מִבֶּ֣טֶן אִמִּ֗י וְעָרֹם֙ אָשׁ֣וּב שָׁ֔מָה יְהוָ֣ה נָתַ֔ן וַיהוָ֖ה לָקָ֑ח יְהִ֛י שֵׁ֥ם יְהוָ֖ה מְבֹרָֽךְ׃

Westminster Leningrad Codex

וַיֹּאמֶר֩ עָרֹ֨ם יצתי מִבֶּ֣טֶן אִמִּ֗י וְעָרֹם֙ אָשׁ֣וּב שָׁ֔מָה יְהוָ֣ה נָתַ֔ן וַיהוָ֖ה לָקָ֑ח יְהִ֛י שֵׁ֥ם יְהוָ֖ה מְבֹרָֽךְ׃

תנ"ך וברית חדשה בתרגום דליטש

וַיֹּאמֶר֩ עָרֹ֨ם (יצתי)* יָצָ֜אתִי* מִבֶּ֣טֶן אִמִּ֗י וְעָרֹם֙ אָשׁ֣וּב שָׁ֔מָה יְהוָ֣ה נָתַ֔ן וַיהוָ֖ה לָקָ֑ח יְהִ֛י שֵׁ֥ם יְהוָ֖ה מְבֹרָֽךְ׃

איוב 1:21 הפניות הצלבה

בראשית 3:19

בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃

בראשית 30:2

ויחר אף יעקב ברחל ויאמר התחת אלהים אנכי אשׁר מנע ממך פרי בטן׃

בראשית 45:5

ועתה אל תעצבו ואל יחר בעיניכם כי מכרתם אתי הנה כי למחיה שׁלחני אלהים לפניכם׃

שמואל ב 16:12

אולי יראה יהוה בעוני והשׁיב יהוה לי טובה תחת קללתו היום הזה׃

מלכים א 12:15

ולא שׁמע המלך אל העם כי היתה סבה מעם יהוה למען הקים את דברו אשׁר דבר יהוה ביד אחיה השׁילני אל ירבעם בן נבט׃

מלכים ב 20:19

ויאמר חזקיהו אל ישׁעיהו טוב דבר יהוה אשׁר דברת ויאמר הלוא אם שׁלום ואמת יהיה בימי׃

נחמיה 9:5

ויאמרו הלוים ישׁוע וקדמיאל בני חשׁבניה שׁרביה הודיה שׁבניה פתחיה קומו ברכו את יהוה אלהיכם מן העולם עד העולם ויברכו שׁם כבודך ומרומם על כל ברכה ותהלה׃

איוב 1:11

ואולם שׁלח נא ידך וגע בכל אשׁר לו אם לא על פניך יברכך׃

איוב 2:10

ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃

איוב 9:12

הן יחתף מי ישׁיבנו מי יאמר אליו מה תעשׂה׃

תהלים 34:1

לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃

תהלים 34:2

(34:3) ביהוה תתהלל נפשׁי ישׁמעו ענוים וישׂמחו׃

תהלים 39:9

(39:10) נאלמתי לא אפתח פי כי אתה עשׂית׃

תהלים 49:17

(49:18) כי לא במותו יקח הכל לא ירד אחריו כבודו׃

קהלת 12:7

וישׁב העפר על הארץ כשׁהיה והרוח תשׁוב אל האלהים אשׁר נתנה׃

קהלת 5:14

(5:13) ואבד העשׁר ההוא בענין רע והוליד בן ואין בידו מאומה׃

קהלת 5:15

(5:14) כאשׁר יצא מבטן אמו ערום ישׁוב ללכת כשׁבא ומאומה לא ישׂא בעמלו שׁילך בידו׃

קהלת 5:19

(5:18) גם כל האדם אשׁר נתן לו האלהים עשׁר ונכסים והשׁליטו לאכל ממנו ולשׂאת את חלקו ולשׂמח בעמלו זה מתת אלהים היא׃

ישעיה 24:15

על כן בארים כבדו יהוה באיי הים שׁם יהוה אלהי ישׂראל׃

ישעיה 42:24

מי נתן למשׁוסה יעקב וישׂראל לבזזים הלוא יהוה זו חטאנו לו ולא אבו בדרכיו הלוך ולא שׁמעו בתורתו׃

ישעיה 45:7

יוצר אור ובורא חשׁך עשׂה שׁלום ובורא רע אני יהוה עשׂה כל אלה׃

איכה 3:38

מפי עליון לא תצא הרעות והטוב׃

עמוס 3:6

אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃

רות 1:21

אני מלאה הלכתי וריקם השׁיבני יהוה למה תקראנה לי נעמי ויהוה ענה בי ושׁדי הרע׃

שמואל א 2:7

יהוה מורישׁ ומעשׁיר משׁפיל אף מרומם׃

שמואל א 2:8

מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃

שמואל א 3:18

ויגד לו שׁמואל את כל הדברים ולא כחד ממנו ויאמר יהוה הוא הטוב בעינו יעשׂה׃