תהלים 87:4 - Masoretic Text 1524

⁴ אזכיר רהב ובבל לידעי הנה פלשׁת וצור עם כושׁ זה ילד שׁם׃

תנ"ך וברית חדשה בתרגום מודני

⁴ אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־כּ֑וּשׁ זֶ֝֗ה יֻלַּד־שָֽׁם׃

Westminster Leningrad Codex

⁴ אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־כּ֑וּשׁ זֶ֝֗ה יֻלַּד־שָֽׁם׃

תנ"ך וברית חדשה בתרגום דליטש

⁴ אַזְכִּ֤יר ׀ רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־כּ֑וּשׁ זֶ֝֗ה יֻלַּד־שָֽׁם׃

תהלים 87:4 הפניות הצלבה

איוב 9:13

אלוה לא ישׁיב אפו תחתו שׁחחו עזרי רהב׃

תהלים 137:1

על נהרות בבל שׁם ישׁבנו גם בכינו בזכרנו את ציון׃

תהלים 45:12

(45:13) ובת צר במנחה פניך יחלו עשׁירי עם׃

תהלים 68:31

(68:32) יאתיו חשׁמנים מני מצרים כושׁ תריץ ידיו לאלהים׃

תהלים 89:10

(89:11) אתה דכאת כחלל רהב בזרוע עזך פזרת אויביך׃

ישעיה 19:11

אך אולים שׂרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם׃

ישעיה 51:9

עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

ירמיה 25:9

הנני שׁלח ולקחתי את כל משׁפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישׁביה ועל כל הגוים האלה סביב והחרמתים ושׂמתים לשׁמה ולשׁרקה ולחרבות עולם׃

יחזקאל 28:2

בן אדם אמר לנגיד צר כה אמר אדני יהוה יען גבה לבך ותאמר אל אני מושׁב אלהים ישׁבתי בלב ימים ואתה אדם ולא אל ותתן לבך כלב אלהים׃

דניאל 4:30

(4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃

שמואל א 17:8

ויעמד ויקרא אל מערכת ישׂראל ויאמר להם למה תצאו לערך מלחמה הלוא אנכי הפלשׁתי ואתם עבדים לשׁאול ברו לכם אישׁ וירד אלי׃