תהלים 147:2 - Masoretic Text 1524

² בונה ירושׁלם יהוה נדחי ישׂראל יכנס׃

תנ"ך וברית חדשה בתרגום מודני

² בּוֹנֵ֣ה יְרוּשָׁלִַ֣ם יְהוָ֑ה נִדְחֵ֖י יִשְׂרָאֵ֣ל יְכַנֵּֽס׃

Westminster Leningrad Codex

² בּוֹנֵ֣ה יְרוּשָׁלִַ֣ם יְהוָ֑ה נִדְחֵ֖י יִשְׂרָאֵ֣ל יְכַנֵּֽס׃

תנ"ך וברית חדשה בתרגום דליטש

² בּוֹנֵ֣ה יְרוּשָׁלִַ֣ם יְהוָ֑ה נִדְחֵ֖י יִשְׂרָאֵ֣ל יְכַנֵּֽס׃

תהלים 147:2 הפניות הצלבה

נחמיה 6:15

ותשׁלם החומה בעשׂרים וחמשׁה לאלול לחמשׁים ושׁנים יום׃

נחמיה 6:16

ויהי כאשׁר שׁמעו כל אויבינו ויראו כל הגוים אשׁר סביבתינו ויפלו מאד בעיניהם וידעו כי מאת אלהינו נעשׂתה המלאכה הזאת׃

נחמיה 7:4

והעיר רחבת ידים וגדולה והעם מעט בתוכה ואין בתים בנוים׃

תהלים 102:17

(102:18) פנה אל תפלת הערער ולא בזה את תפלתם׃

תהלים 51:18

(51:20) היטיבה ברצונך את ציון תבנה חומות ירושׁלם׃

ישעיה 14:32

ומה יענה מלאכי גוי כי יהוה יסד ציון ובה יחסו עניי עמו׃

ישעיה 27:13

והיה ביום ההוא יתקע בשׁופר גדול ובאו האבדים בארץ אשׁור והנדחים בארץ מצרים והשׁתחוו ליהוה בהר הקדשׁ בירושׁלם׃

ישעיה 56:8

נאם אדני יהוה מקבץ נדחי ישׂראל עוד אקבץ עליו לנקבציו׃

ישעיה 62:7

ואל תתנו דמי לו עד יכונן ועד ישׂים את ירושׁלם תהלה בארץ׃

ירמיה 31:10

שׁמעו דבר יהוה גוים והגידו באיים ממרחק ואמרו מזרה ישׂראל יקבצנו ושׁמרו כרעה עדרו׃

ירמיה 31:4

עוד אבנך ונבנית בתולת ישׂראל עוד תעדי תפיך ויצאת במחול משׂחקים׃

ירמיה 32:37

הנני מקבצם מכל הארצות אשׁר הדחתים שׁם באפי ובחמתי ובקצף גדול והשׁבתים אל המקום הזה והשׁבתים לבטח׃

יחזקאל 38:8

מימים רבים תפקד באחרית השׁנים תבוא אל ארץ משׁובבת מחרב מקבצת מעמים רבים על הרי ישׂראל אשׁר היו לחרבה תמיד והיא מעמים הוצאה וישׁבו לבטח כלם׃

דניאל 9:25

ותדע ותשׂכל מן מצא דבר להשׁיב ולבנות ירושׁלם עד משׁיח נגיד שׁבעים שׁבעה ושׁבעים שׁשׁים ושׁנים תשׁוב ונבנתה רחוב וחרוץ ובצוק העתים׃

מיכה 4:6

ביום ההוא נאם יהוה אספה הצלעה והנדחה אקבצה ואשׁר הרעתי׃

זכריה 8:7

כה אמר יהוה צבאות הנני מושׁיע את עמי מארץ מזרח ומארץ מבוא השׁמשׁ׃

דברים 30:3

ושׁב יהוה אלהיך את שׁבותך ורחמך ושׁב וקבצך מכל העמים אשׁר הפיצך יהוה אלהיך שׁמה׃