תהלים 107:3 - Masoretic Text 1524

³ ומארצות קבצם ממזרח וממערב מצפון ומים׃

תנ"ך וברית חדשה בתרגום מודני

³ וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃

Westminster Leningrad Codex

³ וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃

תנ"ך וברית חדשה בתרגום דליטש

³ וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃

תהלים 107:3 הפניות הצלבה

תהלים 106:47

הושׁיענו יהוה אלהינו וקבצנו מן הגוים להדות לשׁם קדשׁך להשׁתבח בתהלתך׃

ישעיה 49:12

הנה אלה מרחוק יבאו והנה אלה מצפון ומים ואלה מארץ סינים׃

ישעיה 54:7

ברגע קטן עזבתיך וברחמים גדלים אקבצך׃

ישעיה 56:8

נאם אדני יהוה מקבץ נדחי ישׂראל עוד אקבץ עליו לנקבציו׃

ירמיה 29:14

ונמצאתי לכם נאם יהוה ושׁבתי את שׁביתכם וקבצתי אתכם מכל הגוים ומכל המקומות אשׁר הדחתי אתכם שׁם נאם יהוה והשׁבתי אתכם אל המקום אשׁר הגליתי אתכם משׁם׃

ירמיה 31:10

שׁמעו דבר יהוה גוים והגידו באיים ממרחק ואמרו מזרה ישׂראל יקבצנו ושׁמרו כרעה עדרו׃

ירמיה 31:8

הנני מביא אותם מארץ צפון וקבצתים מירכתי ארץ בם עור ופסח הרה וילדת יחדו קהל גדול ישׁובו הנה׃

יחזקאל 20:34

והוצאתי אתכם מן העמים וקבצתי אתכם מן הארצות אשׁר נפוצתם בם ביד חזקה ובזרוע נטויה ובחמה שׁפוכה׃

יחזקאל 36:24

ולקחתי אתכם מן הגוים וקבצתי אתכם מכל הארצות והבאתי אתכם אל אדמתכם׃

יחזקאל 39:27

בשׁובבי אותם מן העמים וקבצתי אתם מארצות איביהם ונקדשׁתי בם לעיני הגוים רבים׃

דברים 30:3

ושׁב יהוה אלהיך את שׁבותך ורחמך ושׁב וקבצך מכל העמים אשׁר הפיצך יהוה אלהיך שׁמה׃