שפטים 2:11 - Masoretic Text 1524

¹¹ ויעשׂו בני ישׂראל את הרע בעיני יהוה ויעבדו את הבעלים׃

תנ"ך וברית חדשה בתרגום מודני

¹¹ וַיַּעֲשׂ֧וּ בְנֵֽי־יִשְׂרָאֵ֛ל אֶת־הָרַ֖ע בְּעֵינֵ֣י יְהוָ֑ה וַיַּעַבְד֖וּ אֶת־הַבְּעָלִֽים׃

Westminster Leningrad Codex

¹¹ וַיַּעֲשׂ֧וּ בְנֵֽי־יִשְׂרָאֵ֛ל אֶת־הָרַ֖ע בְּעֵינֵ֣י יְהוָ֑ה וַיַּעַבְד֖וּ אֶת־הַבְּעָלִֽים׃

תנ"ך וברית חדשה בתרגום דליטש

¹¹ וַיַּעֲשׂ֧וּ בְנֵֽי־יִשְׂרָאֵ֛ל אֶת־הָרַ֖ע בְּעֵינֵ֣י יְהוָ֑ה וַיַּעַבְד֖וּ אֶת־הַבְּעָלִֽים׃

שפטים 2:11 הפניות הצלבה

בראשית 13:13

ואנשׁי סדם רעים וחטאים ליהוה מאד׃

בראשית 38:7

ויהי ער בכור יהודה רע בעיני יהוה וימתהו יהוה׃

מלכים א 11:5

וילך שׁלמה אחרי עשׁתרת אלהי צדנים ואחרי מלכם שׁקץ עמנים׃

מלכים א 18:18

ויאמר לא עכרתי את ישׂראל כי אם אתה ובית אביך בעזבכם את מצות יהוה ותלך אחרי הבעלים׃

מלכים א 22:53

(22:54) ויעבד את הבעל וישׁתחוה לו ויכעס את יהוה אלהי ישׂראל ככל אשׁר עשׂה אביו׃

דברי הימים ב 28:2

וילך בדרכי מלכי ישׂראל וגם מסכות עשׂה לבעלים׃

דברי הימים ב 28:3

והוא הקטיר בגיא בן הנם ויבער את בניו באשׁ כתעבות הגוים אשׁר הרישׁ יהוה מפני בני ישׂראל׃

דברי הימים ב 33:6

והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃

עזרא 8:12

ומבני עזגד יוחנן בן הקטן ועמו מאה ועשׂרה הזכרים׃

נחמיה 9:26

וימרו וימרדו בך וישׁלכו את תורתך אחרי גום ואת נביאיך הרגו אשׁר העידו בם להשׁיבם אליך ויעשׂו נאצות גדולת׃

תהלים 78:56

וינסו וימרו את אלהים עליון ועדותיו לא שׁמרו׃

ירמיה 11:10

שׁבו על עונת אבותם הראשׁנים אשׁר מאנו לשׁמוע את דברי והמה הלכו אחרי אלהים אחרים לעבדם הפרו בית ישׂראל ובית יהודה את בריתי אשׁר כרתי את אבותם׃

ירמיה 16:11

ואמרת אליהם על אשׁר עזבו אבותיכם אותי נאם יהוה וילכו אחרי אלהים אחרים ויעבדום וישׁתחוו להם ואתי עזבו ואת תורתי לא שׁמרו׃

ירמיה 2:20

כי מעולם שׁברתי עלך נתקתי מוסרתיך ותאמרי לא אעבד כי על כל גבעה גבהה ותחת כל עץ רענן את צעה זנה׃

ירמיה 2:23

איך תאמרי לא נטמאתי אחרי הבעלים לא הלכתי ראי דרכך בגיא דעי מה עשׂית בכרה קלה משׂרכת דרכיה׃

ירמיה 32:23

ויבאו וירשׁו אתה ולא שׁמעו בקולך ובתרותך לא הלכו את כל אשׁר צויתה להם לעשׂות לא עשׂו ותקרא אתם את כל הרעה הזאת׃

ירמיה 9:14

(9:13) וילכו אחרי שׁררות לבם ואחרי הבעלים אשׁר למדום אבותם׃

במדבר 25:3

ויצמד ישׂראל לבעל פעור ויחר אף יהוה בישׂראל׃

דברים 31:16

ויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבני והפר את בריתי אשׁר כרתי אתו׃

דברים 4:25

כי תוליד בנים ובני בנים ונושׁנתם בארץ והשׁחתם ועשׂיתם פסל תמונת כל ועשׂיתם הרע בעיני יהוה אלהיך להכעיסו׃

שפטים 10:10

ויזעקו בני ישׂראל אל יהוה לאמר חטאנו לך וכי עזבנו את אלהינו ונעבד את הבעלים׃

שפטים 10:6

ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃

שפטים 13:1

ויספו בני ישׂראל לעשׂות הרע בעיני יהוה ויתנם יהוה ביד פלשׁתים ארבעים שׁנה׃

שפטים 3:12

ויספו בני ישׂראל לעשׂות הרע בעיני יהוה ויחזק יהוה את עגלון מלך מואב על ישׂראל על כי עשׂו את הרע בעיני יהוה׃

שפטים 3:7

ויעשׂו בני ישׂראל את הרע בעיני יהוה וישׁכחו את יהוה אלהיהם ויעבדו את הבעלים ואת האשׁרות׃

שפטים 4:1

ויספו בני ישׂראל לעשׂות הרע בעיני יהוה ואהוד מת׃

שפטים 6:1

ויעשׂו בני ישׂראל הרע בעיני יהוה ויתנם יהוה ביד מדין שׁבע שׁנים׃

שפטים 6:25

ויהי בלילה ההוא ויאמר לו יהוה קח את פר השׁור אשׁר לאביך ופר השׁני שׁבע שׁנים והרסת את מזבח הבעל אשׁר לאביך ואת האשׁרה אשׁר עליו תכרת׃

שפטים 8:33

ויהי כאשׁר מת גדעון וישׁובו בני ישׂראל ויזנו אחרי הבעלים וישׂימו להם בעל ברית לאלהים׃

שמואל א 12:10

ויזעקו אל יהוה ויאמר חטאנו כי עזבנו את יהוה ונעבד את הבעלים ואת העשׁתרות ועתה הצילנו מיד איבינו ונעבדך׃

שמואל א 7:3

ויאמר שׁמואל אל כל בית ישׂראל לאמר אם בכל לבבכם אתם שׁבים אל יהוה הסירו את אלהי הנכר מתוככם והעשׁתרות והכינו לבבכם אל יהוה ועבדהו לבדו ויצל אתכם מיד פלשׁתים׃

שמואל א 7:4

ויסירו בני ישׂראל את הבעלים ואת העשׁתרת ויעבדו את יהוה לבדו׃