שמות 3:7 - Masoretic Text 1524

⁷ ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃

תנ"ך וברית חדשה בתרגום מודני

⁷ וַיֹּ֣אמֶר יְהוָ֔ה רָאֹ֥ה רָאִ֛יתִי אֶת־עֳנִ֥י עַמִּ֖י אֲשֶׁ֣ר בְּמִצְרָ֑יִם וְאֶת־צַעֲקָתָ֤ם שָׁמַ֨עְתִּי֙ מִפְּנֵ֣י נֹֽגְשָׂ֔יו כִּ֥י יָדַ֖עְתִּי אֶת־מַכְאֹבָֽיו׃

Westminster Leningrad Codex

⁷ וַיֹּ֣אמֶר יְהוָ֔ה רָאֹ֥ה רָאִ֛יתִי אֶת־עֳנִ֥י עַמִּ֖י אֲשֶׁ֣ר בְּמִצְרָ֑יִם וְאֶת־צַעֲקָתָ֤ם שָׁמַ֨עְתִּי֙ מִפְּנֵ֣י נֹֽגְשָׂ֔יו כִּ֥י יָדַ֖עְתִּי אֶת־מַכְאֹבָֽיו׃

תנ"ך וברית חדשה בתרגום דליטש

⁷ וַיֹּ֣אמֶר יְהוָ֔ה רָאֹ֥ה רָאִ֛יתִי אֶת־עֳנִ֥י עַמִּ֖י אֲשֶׁ֣ר בְּמִצְרָ֑יִם וְאֶת־צַעֲקָתָ֤ם שָׁמַ֨עְתִּי֙ מִפְּנֵ֣י נֹֽגְשָׂ֔יו כִּ֥י יָדַ֖עְתִּי אֶת־מַכְאֹבָֽיו׃

שמות 3:7 הפניות הצלבה

בראשית 16:11

ויאמר לה מלאך יהוה הנך הרה וילדת בן וקראת שׁמו ישׁמעאל כי שׁמע יהוה אל עניך׃

בראשית 18:21

ארדה נא ואראה הכצעקתה הבאה אלי עשׂו כלה ואם לא אדעה׃

בראשית 21:17

וישׁמע אלהים את קול הנער ויקרא מלאך אלהים אל הגר מן השׁמים ויאמר לה מה לך הגר אל תיראי כי שׁמע אלהים אל קול הנער באשׁר הוא שׁם׃

בראשית 29:32

ותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי׃

בראשית 31:12

ויאמר שׂא נא עיניך וראה כל העתדים העלים על הצאן עקדים נקדים וברדים כי ראיתי את כל אשׁר לבן עשׂה׃

בראשית 31:42

לולי אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגיע כפי ראה אלהים ויוכח אמשׁ׃

שמואל ב 22:28

ואת עם עני תושׁיע ועיניך על רמים תשׁפיל׃

מלכים ב 13:4

ויחל יהואחז את פני יהוה וישׁמע אליו יהוה כי ראה את לחץ ישׂראל כי לחץ אתם מלך ארם׃

מלכים ב 20:5

שׁוב ואמרת אל חזקיהו נגיד עמי כה אמר יהוה אלהי דוד אביך שׁמעתי את תפלתך ראיתי את דמעתך הנני רפא לך ביום השׁלישׁי תעלה בית יהוה׃

נחמיה 9:9

ותרא את עני אבתינו במצרים ואת זעקתם שׁמעת על ים סוף׃

תהלים 106:44

וירא בצר להם בשׁמעו את רנתם׃

תהלים 12:6

(12:7) אמרות יהוה אמרות טהרות כסף צרוף בעליל לארץ מזקק שׁבעתים׃

תהלים 142:3

(142:4) בהתעטף עלי רוחי ואתה ידעת נתיבתי בארח זו אהלך טמנו פח׃

תהלים 145:19

רצון יראיו יעשׂה ואת שׁועתם ישׁמע ויושׁיעם׃

תהלים 22:24

(22:25) כי לא בזה ולא שׁקץ ענות עני ולא הסתיר פניו ממנו ובשׁועו אליו שׁמע׃

תהלים 34:4

(34:5) דרשׁתי את יהוה וענני ומכל מגורותי הצילני׃

תהלים 34:6

(34:7) זה עני קרא ויהוה שׁמע ומכל צרותיו הושׁיעו׃

תהלים 35:22

ראיתה יהוה אל תחרשׁ אדני אל תרחק ממני׃

תהלים 9:14

(9:15) למען אספרה כל תהלתיך בשׁערי בת ציון אגילה בישׁועתך׃

שמות 1:11

וישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס׃

שמות 1:8

ויקם מלך חדשׁ על מצרים אשׁר לא ידע את יוסף׃

שמות 22:23

(22:22) אם ענה תענה אתו כי אם צעק יצעק אלי שׁמע אשׁמע צעקתו׃

שמות 33:13

ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃

שמות 5:10

ויצאו נגשׂי העם ושׁטריו ויאמרו אל העם לאמר כה אמר פרעה אינני נתן לכם תבן׃

שמות 5:6

ויצו פרעה ביום ההוא את הנגשׂים בעם ואת שׁטריו לאמר׃

ישעיה 63:9

בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃

במדבר 20:16

ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃

שמואל א 9:16

כעת מחר אשׁלח אליך אישׁ מארץ בנימן ומשׁחתו לנגיד על עמי ישׂראל והושׁיע את עמי מיד פלשׁתים כי ראיתי את עמי כי באה צעקתו אלי׃