שמות 29:1 - Masoretic Text 1524

¹ וזה הדבר אשׁר תעשׂה להם לקדשׁ אתם לכהן לי לקח פר אחד בן בקר ואילם שׁנים תמימם׃

תנ"ך וברית חדשה בתרגום מודני

¹ וְזֶ֨ה הַדָּבָ֜ר אֲשֶֽׁר־תַּעֲשֶׂ֥ה לָהֶ֛ם לְקַדֵּ֥שׁ אֹתָ֖ם לְכַהֵ֣ן לִ֑י לְ֠קַח פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

Westminster Leningrad Codex

¹ וְזֶ֨ה הַדָּבָ֜ר אֲשֶֽׁר־תַּעֲשֶׂ֥ה לָהֶ֛ם לְקַדֵּ֥שׁ אֹתָ֖ם לְכַהֵ֣ן לִ֑י לְ֠קַח פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

תנ"ך וברית חדשה בתרגום דליטש

¹ וְזֶ֨ה הַדָּבָ֜ר אֲשֶֽׁר־תַּעֲשֶׂ֥ה לָהֶ֛ם לְקַדֵּ֥שׁ אֹתָ֖ם לְכַהֵ֣ן לִ֑י לְ֠קַח פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

שמות 29:1 הפניות הצלבה

דברי הימים ב 13:9

הלא הדחתם את כהני יהוה את בני אהרן והלוים ותעשׂו לכם כהנים כעמי הארצות כל הבא למלא ידו בפר בן בקר ואילם שׁבעה והיה כהן ללא אלהים׃

שמות 12:5

שׂה תמים זכר בן שׁנה יהיה לכם מן הכבשׂים ומן העזים תקחו׃

שמות 20:11

כי שׁשׁת ימים עשׂה יהוה את השׁמים ואת הארץ את הים ואת כל אשׁר בם וינח ביום השׁביעי על כן ברך יהוה את יום השׁבת ויקדשׁהו׃

שמות 28:1

ואתה הקרב אליך את אהרן אחיך ואת בניו אתו מתוך בני ישׂראל לכהנו לי אהרן נדב ואביהוא אלעזר ואיתמר בני אהרן׃

שמות 28:3

ואתה תדבר אל כל חכמי לב אשׁר מלאתיו רוח חכמה ועשׂו את בגדי אהרן לקדשׁו לכהנו׃

שמות 28:41

והלבשׁת אתם את אהרן אחיך ואת בניו אתו ומשׁחת אתם ומלאת את ידם וקדשׁת אתם וכהנו׃

שמות 29:21

ולקחת מן הדם אשׁר על המזבח ומשׁמן המשׁחה והזית על אהרן ועל בגדיו ועל בניו ועל בגדי בניו אתו וקדשׁ הוא ובגדיו ובניו ובגדי בניו אתו׃

יחזקאל 43:23

בכלותך מחטא תקריב פר בן בקר תמים ואיל מן הצאן תמים׃

ויקרא 14:11

והעמיד הכהן המטהר את האישׁ המטהר ואתם לפני יהוה פתח אהל מועד׃

ויקרא 16:3

בזאת יבא אהרן אל הקדשׁ בפר בן בקר לחטאת ואיל לעלה׃

ויקרא 22:20

כל אשׁר בו מום לא תקריבו כי לא לרצון יהיה׃

ויקרא 4:3

אם הכהן המשׁיח יחטא לאשׁמת העם והקריב על חטאתו אשׁר חטא פר בן בקר תמים ליהוה לחטאת׃

ויקרא 6:13

(6:6) אשׁ תמיד תוקד על המזבח לא תכבה׃

ויקרא 6:6

(5:25) ואת אשׁמו יביא ליהוה איל תמים מן הצאן בערכך לאשׁם אל הכהן׃

ויקרא 7:35

זאת משׁחת אהרן ומשׁחת בניו מאשׁי יהוה ביום הקריב אתם לכהן ליהוה׃

ויקרא 8:1

וידבר יהוה אל משׁה לאמר׃

ויקרא 9:2

ויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה׃