שמות 27:19 - Masoretic Text 1524

¹⁹ לכל כלי המשׁכן בכל עבדתו וכל יתדתיו וכל יתדת החצר נחשׁת׃

תנ"ך וברית חדשה בתרגום מודני

¹⁹ לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָת֑וֹ וְכָל־יְתֵדֹתָ֛יו וְכָל־יִתְדֹ֥ת הֶחָצֵ֖ר נְחֹֽשֶׁת׃ ס*

Westminster Leningrad Codex

¹⁹ לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָת֑וֹ וְכָל־יְתֵדֹתָ֛יו וְכָל־יִתְדֹ֥ת הֶחָצֵ֖ר נְחֹֽשֶׁת׃ ס

תנ"ך וברית חדשה בתרגום דליטש

¹⁹ לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָת֑וֹ וְכָל־יְתֵדֹתָ֛יו וְכָל־יִתְדֹ֥ת הֶחָצֵ֖ר נְחֹֽשֶׁת׃ ס*

שמות 27:19 הפניות הצלבה

עזרא 9:8

ועתה כמעט רגע היתה תחנה מאת יהוה אלהינו להשׁאיר לנו פליטה ולתת לנו יתד במקום קדשׁו להאיר עינינו אלהינו ולתתנו מחיה מעט בעבדתנו׃

שמות 27:18

ארך החצר מאה באמה ורחב חמשׁים בחמשׁים וקמה חמשׁ אמות שׁשׁ משׁזר ואדניהם נחשׁת׃

שמות 27:20

ואתה תצוה את בני ישׂראל ויקחו אליך שׁמן זית זך כתית למאור להעלת נר תמיד׃

שמות 27:3

ועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת׃

שמות 35:18

את יתדת המשׁכן ואת יתדת החצר ואת מיתריהם׃

שמות 38:20

וכל היתדת למשׁכן ולחצר סביב נחשׁת׃

שמות 38:31

ואת אדני החצר סביב ואת אדני שׁער החצר ואת כל יתדת המשׁכן ואת כל יתדת החצר סביב׃

שמות 39:40

את קלעי החצר את עמדיה ואת אדניה ואת המסך לשׁער החצר את מיתריו ויתדתיה ואת כל כלי עבדת המשׁכן לאהל מועד׃

קהלת 12:11

דברי חכמים כדרבנות וכמשׂמרות נטועים בעלי אספות נתנו מרעה אחד׃

ישעיה 33:20

חזה ציון קרית מועדנו עיניך תראינה ירושׁלם נוה שׁאנן אהל בל יצען בל יסע יתדתיו לנצח וכל חבליו בל ינתקו׃

זכריה 10:4

ממנו פנה ממנו יתד ממנו קשׁת מלחמה ממנו יצא כל נוגשׂ יחדו׃

במדבר 3:37

ועמדי החצר סביב ואדניהם ויתדתם ומיתריהם׃

במדבר 4:32

ועמודי החצר סביב ואדניהם ויתדתם ומיתריהם לכל כליהם ולכל עבדתם ובשׁמת תפקדו את כלי משׁמרת משׂאם׃