שמות 18:11 - Masoretic Text 1524

¹¹ עתה ידעתי כי גדול יהוה מכל האלהים כי בדבר אשׁר זדו עליהם׃

תנ"ך וברית חדשה בתרגום מודני

¹¹ עַתָּ֣ה יָדַ֔עְתִּי כִּֽי־גָד֥וֹל יְהוָ֖ה מִכָּל־הָאֱלֹהִ֑ים כִּ֣י בַדָּבָ֔ר אֲשֶׁ֥ר זָד֖וּ עֲלֵיהֶֽם׃

Westminster Leningrad Codex

¹¹ עַתָּ֣ה יָדַ֔עְתִּי כִּֽי־גָד֥וֹל יְהוָ֖ה מִכָּל־הָאֱלֹהִ֑ים כִּ֣י בַדָּבָ֔ר אֲשֶׁ֥ר זָד֖וּ עֲלֵיהֶֽם׃

תנ"ך וברית חדשה בתרגום דליטש

¹¹ עַתָּ֣ה יָדַ֔עְתִּי כִּֽי־גָד֥וֹל יְהוָ֖ה מִכָּל־הָאֱלֹהִ֑ים כִּ֣י בַדָּבָ֔ר אֲשֶׁ֥ר זָד֖וּ עֲלֵיהֶֽם׃

שמות 18:11 הפניות הצלבה

מלכים א 17:24

ותאמר האשׁה אל אליהו עתה זה ידעתי כי אישׁ אלהים אתה ודבר יהוה בפיך אמת׃

מלכים ב 5:15

וישׁב אל אישׁ האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישׂראל ועתה קח נא ברכה מאת עבדך׃

דברי הימים א 16:25

כי גדול יהוה ומהלל מאד ונורא הוא על כל אלהים׃

דברי הימים ב 2:5

(2:4) והבית אשׁר אני בונה גדול כי גדול אלהינו מכל האלהים׃

נחמיה 9:10

ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעשׂ לך שׁם כהיום הזה׃

נחמיה 9:16

והם ואבתינו הזידו ויקשׁו את ערפם ולא שׁמעו אל מצותיך׃

נחמיה 9:29

ותעד בהם להשׁיבם אל תורתך והמה הזידו ולא שׁמעו למצותיך ובמשׁפטיך חטאו בם אשׁר יעשׂה אדם וחיה בהם ויתנו כתף סוררת וערפם הקשׁו ולא שׁמעו׃

תהלים 119:21

גערת זדים ארורים השׁגים ממצותיך׃

תהלים 135:5

כי אני ידעתי כי גדול יהוה ואדנינו מכל אלהים׃

תהלים 31:23

(31:24) אהבו את יהוה כל חסידיו אמונים נצר יהוה ומשׁלם על יתר עשׂה גאוה׃

תהלים 95:3

כי אל גדול יהוה ומלך גדול על כל אלהים׃

תהלים 97:9

כי אתה יהוה עליון על כל הארץ מאד נעלית על כל אלהים׃

שמות 1:10

הבה נתחכמה לו פן ירבה והיה כי תקראנה מלחמה ונוסף גם הוא על שׂנאינו ונלחם בנו ועלה מן הארץ׃

שמות 1:16

ויאמר בילדכן את העבריות וראיתן על האבנים אם בן הוא והמתן אתו ואם בת הוא וחיה׃

שמות 1:22

ויצו פרעה לכל עמו לאמר כל הבן הילוד היארה תשׁליכהו וכל הבת תחיון׃

שמות 10:3

ויבא משׁה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שׁלח עמי ויעבדני׃

שמות 12:12

ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃

שמות 14:18

וידעו מצרים כי אני יהוה בהכבדי בפרעה ברכבו ובפרשׁיו׃

שמות 14:8

ויחזק יהוה את לב פרעה מלך מצרים וירדף אחרי בני ישׂראל ובני ישׂראל יצאים ביד רמה׃

שמות 15:11

מי כמכה באלם יהוה מי כמכה נאדר בקדשׁ נורא תהלת עשׂה פלא׃

שמות 5:2

ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃

שמות 5:7

לא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן׃

דניאל 4:37

(4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃

במדבר 33:4

ומצרים מקברים את אשׁר הכה יהוה בהם כל בכור ובאלהיהם עשׂה יהוה שׁפטים׃

שמואל א 2:3

אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃