שמות 17:14 - Masoretic Text 1524

¹⁴ ויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים׃

תנ"ך וברית חדשה בתרגום מודני

¹⁴ וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃

Westminster Leningrad Codex

¹⁴ וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃

תנ"ך וברית חדשה בתרגום דליטש

¹⁴ וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃

שמות 17:14 הפניות הצלבה

שמואל ב 1:1

ויהי אחרי מות שׁאול ודוד שׁב מהכות את העמלק וישׁב דוד בצקלג ימים שׁנים׃

שמואל ב 8:12

מארם וממואב ומבני עמון ומפלשׁתים ומעמלק ומשׁלל הדדעזר בן רחב מלך צובה׃

דברי הימים א 4:42

ומהם מן בני שׁמעון הלכו להר שׂעיר אנשׁים חמשׁ מאות ופלטיה ונעריה ורפיה ועזיאל בני ישׁעי בראשׁם׃

דברי הימים א 4:43

ויכו את שׁארית הפלטה לעמלק וישׁבו שׁם עד היום הזה׃

עזרא 9:14

הנשׁוב להפר מצותיך ולהתחתן בעמי התעבות האלה הלוא תאנף בנו עד כלה לאין שׁארית ופליטה׃

איוב 18:17

זכרו אבד מני ארץ ולא שׁם לו על פני חוץ׃

איוב 19:23

מי יתן אפו ויכתבון מלי מי יתן בספר ויחקו׃

תהלים 9:6

(9:7) האויב תמו חרבות לנצח וערים נתשׁת אבד זכרם המה׃

שמות 12:14

והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃

שמות 13:9

והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃

שמות 17:13

ויחלשׁ יהושׁע את עמלק ואת עמו לפי חרב׃

שמות 24:4

ויכתב משׁה את כל דברי יהוה וישׁכם בבקר ויבן מזבח תחת ההר ושׁתים עשׂרה מצבה לשׁנים עשׂר שׁבטי ישׂראל׃

שמות 32:33

ויאמר יהוה אל משׁה מי אשׁר חטא לי אמחנו מספרי׃

שמות 34:27

ויאמר יהוה אל משׁה כתב לך את הדברים האלה כי על פי הדברים האלה כרתי אתך ברית ואת ישׂראל׃

משלי 10:7

זכר צדיק לברכה ושׁם רשׁעים ירקב׃

ירמיה 30:2

כה אמר יהוה אלהי ישׂראל לאמר כתב לך את כל הדברים אשׁר דברתי אליך אל ספר׃

ירמיה 36:2

קח לך מגלת ספר וכתבת אליה את כל הדברים אשׁר דברתי אליך על ישׂראל ועל יהודה ועל כל הגוים מיום דברתי אליך מימי יאשׁיהו ועד היום הזה׃

במדבר 24:20

וירא את עמלק וישׂא משׁלו ויאמר ראשׁית גוים עמלק ואחריתו עדי אבד׃

במדבר 33:2

ויכתב משׁה את מוצאיהם למסעיהם על פי יהוה ואלה מסעיהם למוצאיהם׃

דברים 31:9

ויכתב משׁה את התורה הזאת ויתנה אל הכהנים בני לוי הנשׂאים את ארון ברית יהוה ואל כל זקני ישׂראל׃

יהושע 4:7

ואמרתם להם אשׁר נכרתו מימי הירדן מפני ארון ברית יהוה בעברו בירדן נכרתו מי הירדן והיו האבנים האלה לזכרון לבני ישׂראל עד עולם׃

שמואל א 15:18

וישׁלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃

שמואל א 30:1

ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃

שמואל א 30:17

ויכם דוד מהנשׁף ועד הערב למחרתם ולא נמלט מהם אישׁ כי אם ארבע מאות אישׁ נער אשׁר רכבו על הגמלים וינסו׃