שמות 14:25 - Masoretic Text 1524

²⁵ ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃

תנ"ך וברית חדשה בתרגום מודני

²⁵ וַיָּ֗סַר אֵ֚ת אֹפַ֣ן מַרְכְּבֹתָ֔יו וַֽיְנַהֲגֵ֖הוּ בִּכְבֵדֻ֑ת וַיֹּ֣אמֶר מִצְרַ֗יִם אָנ֨וּסָה֙ מִפְּנֵ֣י יִשְׂרָאֵ֔ל כִּ֣י יְהוָ֔ה נִלְחָ֥ם לָהֶ֖ם בְּמִצְרָֽיִם פ*

Westminster Leningrad Codex

²⁵ וַיָּ֗סַר אֵ֚ת אֹפַ֣ן מַרְכְּבֹתָ֔יו וַֽיְנַהֲגֵ֖הוּ בִּכְבֵדֻ֑ת וַיֹּ֣אמֶר מִצְרַ֗יִם אָנ֨וּסָה֙ מִפְּנֵ֣י יִשְׂרָאֵ֔ל כִּ֣י יְהוָ֔ה נִלְחָ֥ם לָהֶ֖ם בְּמִצְרָֽיִם פ

תנ"ך וברית חדשה בתרגום דליטש

²⁵ וַיָּ֗סַר אֵ֚ת אֹפַ֣ן מַרְכְּבֹתָ֔יו וַֽיְנַהֲגֵ֖הוּ בִּכְבֵדֻ֑ת וַיֹּ֣אמֶר מִצְרַ֗יִם אָנ֨וּסָה֙ מִפְּנֵ֣י יִשְׂרָאֵ֔ל כִּ֣י יְהוָ֔ה נִלְחָ֥ם לָהֶ֖ם בְּמִצְרָֽיִם פ*

שמות 14:25 הפניות הצלבה

דברי הימים ב 20:29

ויהי פחד אלהים על כל ממלכות הארצות בשׁמעם כי נלחם יהוה עם אויבי ישׂראל׃

נחמיה 4:14

(4:8) וארא ואקום ואמר אל החרים ואל הסגנים ואל יתר העם אל תיראו מפניהם את אדני הגדול והנורא זכרו והלחמו על אחיכם בניכם ובנתיכם נשׁיכם ובתיכם׃

נחמיה 6:16

ויהי כאשׁר שׁמעו כל אויבינו ויראו כל הגוים אשׁר סביבתינו ויפלו מאד בעיניהם וידעו כי מאת אלהינו נעשׂתה המלאכה הזאת׃

נחמיה 9:11

והים בקעת לפניהם ויעברו בתוך הים ביבשׁה ואת רדפיהם השׁלכת במצולת כמו אבן במים עזים׃

איוב 11:20

ועיני רשׁעים תכלינה ומנוס אבד מנהם ותקותם מפח נפשׁ׃

איוב 20:24

יברח מנשׁק ברזל תחלפהו קשׁת נחושׁה׃

איוב 27:22

וישׁלך עליו ולא יחמל מידו ברוח יברח׃

תהלים 35:1

לדוד ריבה יהוה את יריבי לחם את לחמי׃

תהלים 46:9

(46:10) משׁבית מלחמות עד קצה הארץ קשׁת ישׁבר וקצץ חנית עגלות ישׂרף באשׁ׃

תהלים 68:12

(68:13) מלכי צבאות ידדון ידדון ונות בית תחלק שׁלל׃

תהלים 76:6

(76:7) מגערתך אלהי יעקב נרדם ורכב וסוס׃

שמות 14:14

יהוה ילחם לכם ואתם תחרשׁון׃

שמות 14:18

וידעו מצרים כי אני יהוה בהכבדי בפרעה ברכבו ובפרשׁיו׃

שמות 14:4

וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃

שמות 15:3

יהוה אישׁ מלחמה יהוה שׁמו׃

ישעיה 31:4

כי כה אמר יהוה אלי כאשׁר יהגה האריה והכפיר על טרפו אשׁר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃

ירמיה 51:21

ונפצתי בך סוס ורכבו ונפצתי בך רכב ורכבו׃

עמוס 1:14

והצתי אשׁ בחומת רבה ואכלה ארמנותיה בתרועה ביום מלחמה בסער ביום סופה׃

עמוס 5:19

כאשׁר ינוס אישׁ מפני הארי ופגעו הדב ובא הבית וסמך ידו על הקיר ונשׁכו הנחשׁ׃

עמוס 9:1

ראיתי את אדני נצב על המזבח ויאמר הך הכפתור וירעשׁו הספים ובצעם בראשׁ כלם ואחריתם בחרב אהרג לא ינוס להם נס ולא ימלט להם פליט׃

דברים 1:30

יהוה אלהיכם ההלך לפניכם הוא ילחם לכם ככל אשׁר עשׂה אתכם במצרים לעיניכם׃

דברים 3:22

לא תיראום כי יהוה אלהיכם הוא הנלחם׃

דברים 32:31

כי לא כצורנו צורם ואיבינו פלילים׃

יהושע 10:14

ולא היה כיום ההוא לפניו ואחריו לשׁמע יהוה בקול אישׁ כי יהוה נלחם לישׂראל׃

שפטים 4:15

ויהם יהוה את סיסרא ואת כל הרכב ואת כל המחנה לפי חרב לפני ברק וירד סיסרא מעל המרכבה וינס ברגליו׃