שמואל ב 2:18 - Masoretic Text 1524

¹⁸ ויהיו שׁם שׁלשׁה בני צרויה יואב ואבישׁי ועשׂהאל ועשׂהאל קל ברגליו כאחד הצבים אשׁר בשׂדה׃

תנ"ך וברית חדשה בתרגום מודני

¹⁸ וַיִּֽהְיוּ־שָׁ֗ם שְׁלֹשָׁה֙ בְּנֵ֣י צְרוּיָ֔ה יוֹאָ֥ב וַאֲבִישַׁ֖י וַעֲשָׂהאֵ֑ל וַעֲשָׂהאֵל֙ קַ֣ל בְּרַגְלָ֔יו כְּאַחַ֥ד הַצְּבָיִ֖ם אֲשֶׁ֥ר בַּשָּׂדֶֽה׃

Westminster Leningrad Codex

¹⁸ וַיִּֽהְיוּ־שָׁ֗ם שְׁלֹשָׁה֙ בְּנֵ֣י צְרוּיָ֔ה יוֹאָ֥ב וַאֲבִישַׁ֖י וַעֲשָׂהאֵ֑ל וַעֲשָׂהאֵל֙ קַ֣ל בְּרַגְלָ֔יו כְּאַחַ֥ד הַצְּבָיִ֖ם אֲשֶׁ֥ר בַּשָּׂדֶֽה׃

תנ"ך וברית חדשה בתרגום דליטש

¹⁸ וַיִּֽהְיוּ־שָׁ֗ם שְׁלֹשָׁה֙ בְּנֵ֣י צְרוּיָ֔ה יוֹאָ֥ב וַאֲבִישַׁ֖י וַעֲשָׂהאֵ֑ל וַעֲשָׂהאֵל֙ קַ֣ל בְּרַגְלָ֔יו כְּאַחַ֥ד הַצְּבָיִ֖ם אֲשֶׁ֥ר בַּשָּׂדֶֽה׃

שמואל ב 2:18 הפניות הצלבה

שמואל ב 1:23

שׁאול ויהונתן הנאהבים והנעימם בחייהם ובמותם לא נפרדו מנשׁרים קלו מאריות גברו׃

שמואל ב 14:1

וידע יואב בן צריה כי לב המלך על אבשׁלום׃

שמואל ב 2:19

וירדף עשׂהאל אחרי אבנר ולא נטה ללכת על הימין ועל השׂמאול מאחרי אבנר׃

שמואל ב 22:34

משׁוה רגליו כאילות ועל במותי יעמדני׃

שמואל ב 23:24

עשׂה אל אחי יואב בשׁלשׁים אלחנן בן דדו בית לחם׃

מלכים א 2:5

וגם אתה ידעת את אשׁר עשׂה לי יואב בן צרויה אשׁר עשׂה לשׁני שׂרי צבאות ישׂראל לאבנר בן נר ולעמשׂא בן יתר ויהרגם וישׂם דמי מלחמה בשׁלם ויתן דמי מלחמה בחגרתו אשׁר במתניו ובנעלו אשׁר ברגליו׃

דברי הימים א 11:26

וגבורי החילים עשׂה אל אחי יואב אלחנן בן דודו מבית לחם׃

דברי הימים א 12:8

(12:9) ומן הגדי נבדלו אל דויד למצד מדברה גברי החיל אנשׁי צבא למלחמה ערכי צנה ורמח ופני אריה פניהם וכצבאים על ההרים למהר׃

דברי הימים א 12:9

(12:10) עזר הראשׁ עבדיה השׁני אליאב השׁלשׁי׃

דברי הימים א 27:7

הרביעי לחדשׁ הרביעי עשׂה אל אחי יואב וזבדיה בנו אחריו ועל מחלקתו עשׂרים וארבעה אלף׃

תהלים 18:33

(18:34) משׁוה רגלי כאילות ועל במתי יעמידני׃

קהלת 9:11

שׁבתי וראה תחת השׁמשׁ כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשׁר וגם לא לידעים חן כי עת ופגע יקרה את כלם׃

שיר השירים 2:17

עד שׁיפוח היום ונסו הצללים סב דמה לך דודי לצבי או לעפר האילים על הרי בתר׃

שיר השירים 8:14

ברח דודי ודמה לך לצבי או לעפר האילים על הרי בשׂמים׃

עמוס 2:14

ואבד מנוס מקל וחזק לא יאמץ כחו וגבור לא ימלט נפשׁו׃

חבקוק 3:19

יהוה אדני חילי וישׂם רגלי כאילות ועל במותי ידרכני למנצח בנגינותי׃

שמואל א 26:6

ויען דוד ויאמר אל אחימלך החתי ואל אבישׁי בן צרויה אחי יואב לאמר מי ירד אתי אל שׁאול אל המחנה ויאמר אבישׁי אני ארד עמך׃