קהלת 3:2 - Masoretic Text 1524

² עת ללדת ועת למות עת לטעת ועת לעקור נטוע׃

תנ"ך וברית חדשה בתרגום מודני

² עֵ֥ת לָלֶ֖דֶת וְעֵ֣ת לָמ֑וּת עֵ֣ת לָטַ֔עַת וְעֵ֖ת לַעֲק֥וֹר נָטֽוּעַ׃

Westminster Leningrad Codex

² עֵ֥ת לָלֶ֖דֶת וְעֵ֣ת לָמ֑וּת עֵ֣ת לָטַ֔עַת וְעֵ֖ת לַעֲק֥וֹר נָטֽוּעַ׃

תנ"ך וברית חדשה בתרגום דליטש

² עֵ֥ת לָלֶ֖דֶת וְעֵ֣ת לָמ֑וּת עֵ֣ת לָטַ֔עַת וְעֵ֖ת לַעֲק֥וֹר נָטֽוּעַ׃

קהלת 3:2 הפניות הצלבה

בראשית 17:21

ואת בריתי אקים את יצחק אשׁר תלד לך שׂרה למועד הזה בשׁנה האחרת׃

בראשית 47:29

ויקרבו ימי ישׂראל למות ויקרא לבנו ליוסף ויאמר לו אם נא מצאתי חן בעיניך שׂים נא ידך תחת ירכי ועשׂית עמדי חסד ואמת אל נא תקברני במצרים׃

מלכים א 13:2

ויקרא על המזבח בדבר יהוה ויאמר מזבח מזבח כה אמר יהוה הנה בן נולד לבית דוד יאשׁיהו שׁמו וזבח עליך את כהני הבמות המקטרים עליך ועצמות אדם ישׂרפו עליך׃

מלכים ב 4:16

ויאמר למועד הזה כעת חיה אתי חבקת בן ותאמר אל אדני אישׁ האלהים אל תכזב בשׁפחתך׃

איוב 14:14

אם ימות גבר היחיה כל ימי צבאי איחל עד בוא חליפתי׃

איוב 14:5

אם חרוצים ימיו מספר חדשׁיו אתך חקו עשׂית ולא יעבור׃

איוב 7:1

הלא צבא לאנושׁ על ארץ וכימי שׂכיר ימיו׃

תהלים 113:9

מושׁיבי עקרת הבית אם הבנים שׂמחה הללו יה׃

תהלים 52:5

(52:7) גם אל יתצך לנצח יחתך ויסחך מאהל ושׁרשׁך מארץ חיים סלה׃

משלי 24:27

הכן בחוץ מלאכתך ועתדה בשׂדה לך אחר ובנית ביתך׃

ישעיה 28:24

הכל היום יחרשׁ החרשׁ לזרע יפתח וישׂדד אדמתו׃

ישעיה 38:1

בימים ההם חלה חזקיהו למות ויבוא אליו ישׁעיהו בן אמוץ הנביא ויאמר אליו כה אמר יהוה צו לביתך כי מת אתה ולא תחיה׃

ישעיה 38:5

הלוך ואמרת אל חזקיהו כה אמר יהוה אלהי דוד אביך שׁמעתי את תפלתך ראיתי את דמעתך הנני יוסף על ימיך חמשׁ עשׂרה שׁנה׃

ישעיה 54:1

רני עקרה לא ילדה פצחי רנה וצהלי לא חלה כי רבים בני שׁוממה מבני בעולה אמר יהוה׃

ירמיה 1:10

ראה הפקדתיך היום הזה על הגוים ועל הממלכות לנתושׁ ולנתוץ ולהאביד ולהרוס לבנות ולנטוע׃

ירמיה 45:4

כה תאמר אליו כה אמר יהוה הנה אשׁר בניתי אני הרס ואת אשׁר נטעתי אני נתשׁ ואת כל הארץ היא׃

דברים 34:5

וימת שׁם משׁה עבד יהוה בארץ מואב על פי יהוה׃

שמואל א 2:5

שׂבעים בלחם נשׂכרו ורעבים חדלו עד עקרה ילדה שׁבעה ורבת בנים אמללה׃