משלי 6:16 - Masoretic Text 1524

¹⁶ שׁשׁ הנה שׂנא יהוה ושׁבע תועבות נפשׁו׃

תנ"ך וברית חדשה בתרגום מודני

¹⁶ שֶׁשׁ־הֵ֭נָּה שָׂנֵ֣א יְהוָ֑ה וְ֝שֶׁ֗בַע (תועבות)* תּוֹעֲבַ֥ת* נַפְשֽׁוֹ׃

Westminster Leningrad Codex

¹⁶ שֶׁשׁ־הֵ֭נָּה שָׂנֵ֣א יְהוָ֑ה וְ֝שֶׁ֗בַע תועבות נַפְשֽׁוֹ׃

תנ"ך וברית חדשה בתרגום דליטש

¹⁶ שֶׁשׁ־הֵ֭נָּה שָׂנֵ֣א יְהוָ֑ה וְ֝שֶׁ֗בַע (תועבות)* תּוֹעֲבַ֥ת* נַפְשֽׁוֹ׃

משלי 6:16 הפניות הצלבה

מלכים ב 21:16

וגם דם נקי שׁפך מנשׁה הרבה מאד עד אשׁר מלא את ירושׁלם פה לפה לבד מחטאתו אשׁר החטיא את יהודה לעשׂות הרע בעיני יהוה׃

איוב 5:19

בשׁשׁ צרות יצילך ובשׁבע לא יגע בך רע׃

תהלים 11:5

יהוה צדיק יבחן ורשׁע ואהב חמס שׂנאה נפשׁו׃

תהלים 5:7

(5:8) ואני ברב חסדך אבוא ביתך אשׁתחוה אל היכל קדשׁך ביראתך׃

משלי 11:1

מאזני מרמה תועבת יהוה ואבן שׁלמה רצונו׃

משלי 11:20

תועבת יהוה עקשׁי לב ורצונו תמימי דרך׃

משלי 12:22

תועבת יהוה שׂפתי שׁקר ועשׂי אמונה רצונו׃

משלי 17:15

מצדיק רשׁע ומרשׁיע צדיק תועבת יהוה גם שׁניהם׃

משלי 20:10

אבן ואבן איפה ואיפה תועבת יהוה גם שׁניהם׃

משלי 20:23

תועבת יהוה אבן ואבן ומאזני מרמה לא טוב׃

משלי 21:4

רום עינים ורחב לב נר רשׁעים חטאת׃

משלי 3:32

כי תועבת יהוה נלוז ואת ישׁרים סודו׃

משלי 30:18

שׁלשׁה המה נפלאו ממני וארבע לא ידעתים׃

משלי 30:21

תחת שׁלושׁ רגזה ארץ ותחת ארבע לא תוכל שׂאת׃

משלי 30:24

ארבעה הם קטני ארץ והמה חכמים מחכמים׃

משלי 30:29

שׁלשׁה המה מיטיבי צעד וארבעה מיטבי לכת׃

משלי 6:15

על כן פתאם יבוא אידו פתע ישׁבר ואין מרפא׃

משלי 6:17

עינים רמות לשׁון שׁקר וידים שׁפכות דם נקי׃

משלי 8:13

יראת יהוה שׂנאת רע גאה וגאון ודרך רע ופי תהפכות שׂנאתי׃

ירמיה 26:15

אך ידע תדעו כי אם ממתים אתם אתי כי דם נקי אתם נתנים עליכם ואל העיר הזאת ואל ישׁביה כי באמת שׁלחני יהוה עליכם לדבר באזניכם את כל הדברים האלה׃

עמוס 1:11

כה אמר יהוה על שׁלשׁה פשׁעי אדום ועל ארבעה לא אשׁיבנו על רדפו בחרב אחיו ושׁחת רחמיו ויטרף לעד אפו ועברתו שׁמרה נצח׃

עמוס 1:3

כה אמר יהוה על שׁלשׁה פשׁעי דמשׂק ועל ארבעה לא אשׁיבנו על דושׁם בחרצות הברזל את הגלעד׃

עמוס 1:6

כה אמר יהוה על שׁלשׁה פשׁעי עזה ועל ארבעה לא אשׁיבנו על הגלותם גלות שׁלמה להסגיר לאדום׃

עמוס 1:9

כה אמר יהוה על שׁלשׁה פשׁעי צר ועל ארבעה לא אשׁיבנו על הסגירם גלות שׁלמה לאדום ולא זכרו ברית אחים׃

עמוס 2:1

כה אמר יהוה על שׁלשׁה פשׁעי מואב ועל ארבעה לא אשׁיבנו על שׂרפו עצמות מלך אדום לשׂיד׃

עמוס 2:4

כה אמר יהוה על שׁלשׁה פשׁעי יהודה ועל ארבעה לא אשׁיבנו על מאסם את תורת יהוה וחקיו לא שׁמרו ויתעום כזביהם אשׁר הלכו אבותם אחריהם׃

עמוס 2:6

כה אמר יהוה על שׁלשׁה פשׁעי ישׂראל ועל ארבעה לא אשׁיבנו על מכרם בכסף צדיק ואביון בעבור נעלים׃

זכריה 8:17

ואישׁ את רעת רעהו אל תחשׁבו בלבבכם ושׁבעת שׁקר אל תאהבו כי את כל אלה אשׁר שׂנאתי נאם יהוה׃

דברים 23:18

(23:19) לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שׁניהם׃

דברים 24:4

לא יוכל בעלה הראשׁון אשׁר שׁלחה לשׁוב לקחתה להיות לו לאשׁה אחרי אשׁר הטמאה כי תועבה הוא לפני יהוה ולא תחטיא את הארץ אשׁר יהוה אלהיך נתן לך נחלה׃

דברים 25:16

כי תועבת יהוה אלהיך כל עשׂה אלה כל עשׂה עול׃