מלאכי 4:3 - Masoretic Text 1524

³ (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃

מלאכי 4:3 הפניות הצלבה

בראשית 3:15

ואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב׃

שמואל ב 22:39

ואכלם ואמחצם ולא יקומון ויפלו תחת רגלי׃

שמואל ב 22:43

ואשׁחקם כעפר ארץ כטיט חוצות אדקם ארקעם׃

איוב 40:12

ראה כל גאה הכניעהו והדך רשׁעים תחתם׃

תהלים 147:6

מעודד ענוים יהוה משׁפיל רשׁעים עדי ארץ׃

תהלים 49:14

(49:15) כצאן לשׁאול שׁתו מות ירעם וירדו בם ישׁרים לבקר וצירם לבלות שׁאול מזבל׃

תהלים 91:13

על שׁחל ופתן תדרך תרמס כפיר ותנין׃

ישעיה 25:10

כי תנוח יד יהוה בהר הזה ונדושׁ מואב תחתיו כהדושׁ מתבן במי מדמנה׃

ישעיה 26:6

תרמסנה רגל רגלי עני פעמי דלים׃

איכה 1:15

סלה כל אבירי אדני בקרבי קרא עלי מועד לשׁבר בחורי גת דרך אדני לבתולת בת יהודה׃

יחזקאל 28:18

מרב עוניך בעול רכלתך חללת מקדשׁיך ואוצא אשׁ מתוכך היא אכלתך ואתנך לאפר על הארץ לעיני כל ראיך׃

דניאל 7:18

ויקבלון מלכותא קדישׁי עליונין ויחסנון מלכותא עד עלמא ועד עלם עלמיא׃

דניאל 7:27

ומלכותה ושׁלטנא ורבותא די מלכות תחות כל שׁמיא יהיבת לעם קדישׁי עליונין מלכותה מלכות עלם וכל שׁלטניא לה יפלחון וישׁתמעון׃

מיכה 5:8

(5:7) והיה שׁארית יעקב בגוים בקרב עמים רבים כאריה בבהמות יער ככפיר בעדרי צאן אשׁר אם עבר ורמס וטרף ואין מציל׃

מיכה 7:10

ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃

זכריה 10:5

והיו כגברים בוסים בטיט חוצות במלחמה ונלחמו כי יהוה עמם והבישׁו רכבי סוסים׃

מלאכי 3:17

והיו לי אמר יהוה צבאות ליום אשׁר אני עשׂה סגלה וחמלתי עליהם כאשׁר יחמל אישׁ על בנו העבד אתו׃