מיכה 2:4 - Masoretic Text 1524

⁴ ביום ההוא ישׂא עליכם משׁל ונהה נהי נהיה אמר שׁדוד נשׁדנו חלק עמי ימיר איך ימישׁ לי לשׁובב שׂדינו יחלק׃

תנ"ך וברית חדשה בתרגום מודני

⁴ בַּיּ֨וֹם הַה֜וּא יִשָּׂ֧א עֲלֵיכֶ֣ם מָשָׁ֗ל וְנָהָ֨ה נְהִ֤י נִֽהְיָה֙ אָמַר֙ שָׁד֣וֹד נְשַׁדֻּ֔נוּ חֵ֥לֶק עַמִּ֖י יָמִ֑יר אֵ֚יךְ יָמִ֣ישׁ לִ֔י לְשׁוֹבֵ֥ב שָׂדֵ֖ינוּ יְחַלֵּֽק׃

Westminster Leningrad Codex

⁴ בַּיּ֨וֹם הַה֜וּא יִשָּׂ֧א עֲלֵיכֶ֣ם מָשָׁ֗ל וְנָהָ֨ה נְהִ֤י נִֽהְיָה֙ אָמַר֙ שָׁד֣וֹד נְשַׁדֻּ֔נוּ חֵ֥לֶק עַמִּ֖י יָמִ֑יר אֵ֚יךְ יָמִ֣ישׁ לִ֔י לְשׁוֹבֵ֥ב שָׂדֵ֖ינוּ יְחַלֵּֽק׃

תנ"ך וברית חדשה בתרגום דליטש

⁴ בַּיּ֨וֹם הַה֜וּא יִשָּׂ֧א עֲלֵיכֶ֣ם מָשָׁ֗ל וְנָהָ֨ה נְהִ֤י נִֽהְיָה֙ אָמַר֙ שָׁד֣וֹד נְשַׁדֻּ֔נוּ חֵ֥לֶק עַמִּ֖י יָמִ֑יר אֵ֚יךְ יָמִ֣ישׁ לִ֔י לְשׁוֹבֵ֥ב שָׂדֵ֖ינוּ יְחַלֵּֽק׃

מיכה 2:4 הפניות הצלבה

שמואל ב 1:17

ויקנן דוד את הקינה הזאת על שׁאול ועל יהונתן בנו׃

דברי הימים ב 35:25

ויקונן ירמיהו על יאשׁיהו ויאמרו כל השׁרים והשׁרות בקינותיהם על יאשׁיהו עד היום ויתנום לחק על ישׂראל והנם כתובים על הקינות׃

איוב 27:1

ויסף איוב שׂאת משׁלו ויאמר׃

ישעיה 14:4

ונשׂאת המשׁל הזה על מלך בבל ואמרת איך שׁבת נגשׂ שׁבתה מדהבה׃

ישעיה 24:3

הבוק תבוק הארץ והבוז תבוז כי יהוה דבר את הדבר הזה׃

ישעיה 6:11

ואמר עד מתי אדני ויאמר עד אשׁר אם שׁאו ערים מאין יושׁב ובתים מאין אדם והאדמה תשׁאה שׁממה׃

ירמיה 14:18

אם יצאתי השׂדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו׃

ירמיה 4:13

הנה כעננים יעלה וכסופה מרכבותיו קלו מנשׁרים סוסיו אוי לנו כי שׁדדנו׃

ירמיה 6:12

ונסבו בתיהם לאחרים שׂדות ונשׁים יחדו כי אטה את ידי על ישׁבי הארץ נאם יהוה׃

ירמיה 8:10

לכן אתן את נשׁיהם לאחרים שׂדותיהם ליורשׁים כי מקטן ועד גדול כלה בצע בצע מנביא ועד כהן כלה עשׂה שׁקר׃

ירמיה 9:10

(9:9) על ההרים אשׂא בכי ונהי ועל נאות מדבר קינה כי נצתו מבלי אישׁ עבר ולא שׁמעו קול מקנה מעוף השׁמים ועד בהמה נדדו הלכו׃

ירמיה 9:16

(9:15) והפצותים בגוים אשׁר לא ידעו המה ואבותם ושׁלחתי אחריהם את החרב עד כלותי אותם׃

יחזקאל 16:44

הנה כל המשׁל עליך ימשׁל לאמר כאמה בתה׃

יחזקאל 2:10

ויפרשׂ אותה לפני והיא כתובה פנים ואחור וכתוב אליה קנים והגה והי׃

יואל 1:13

חגרו וספדו הכהנים הילילו משׁרתי מזבח באו לינו בשׂקים משׁרתי אלהי כי נמנע מבית אלהיכם מנחה ונסך׃

יואל 1:8

אלי כבתולה חגרת שׂק על בעל נעוריה׃

עמוס 5:1

שׁמעו את הדבר הזה אשׁר אנכי נשׂא עליכם קינה בית ישׂראל׃

עמוס 5:17

ובכל כרמים מספד כי אעבר בקרבך אמר יהוה׃

מיכה 1:15

עד הירשׁ אבי לך יושׁבת מרשׁה עד עדלם יבוא כבוד ישׂראל׃

מיכה 1:8

על זאת אספדה ואילילה אילכה שׁילל וערום אעשׂה מספד כתנים ואבל כבנות יענה׃

מיכה 2:10

קומו ולכו כי לא זאת המנוחה בעבור טמאה תחבל וחבל נמרץ׃

חבקוק 2:6

הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃

צפניה 1:2

אסף אסף כל מעל פני האדמה נאם יהוה׃

במדבר 23:18

וישׂא משׁלו ויאמר קום בלק ושׁמע האזינה עדי בנו צפר׃

במדבר 23:7

וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃

במדבר 24:15

וישׂא משׁלו ויאמר נאם בלעם בנו בער ונאם הגבר שׁתם העין׃

במדבר 24:3

וישׂא משׁלו ויאמר נאם בלעם בנו בער ונאם הגבר שׁתם העין׃

דברים 28:29

והיית ממשׁשׁ בצהרים כאשׁר ימשׁשׁ העור באפלה ולא תצליח את דרכיך והיית אך עשׁוק וגזול כל הימים ואין מושׁיע׃