מיכה 2:1 - Masoretic Text 1524

¹ הוי חשׁבי און ופעלי רע על משׁכבותם באור הבקר יעשׂוה כי ישׁ לאל ידם׃

תנ"ך וברית חדשה בתרגום מודני

¹ ה֧וֹי חֹֽשְׁבֵי־אָ֛וֶן וּפֹ֥עֲלֵי רָ֖ע עַל־מִשְׁכְּבוֹתָ֑ם בְּא֤וֹר הַבֹּ֨קֶר֙ יַעֲשׂ֔וּהָ כִּ֥י יֶשׁ־לְאֵ֖ל יָדָֽם׃

Westminster Leningrad Codex

¹ ה֧וֹי חֹֽשְׁבֵי־אָ֛וֶן וּפֹ֥עֲלֵי רָ֖ע עַל־מִשְׁכְּבוֹתָ֑ם בְּא֤וֹר הַבֹּ֨קֶר֙ יַעֲשׂ֔וּהָ כִּ֥י יֶשׁ־לְאֵ֖ל יָדָֽם׃

תנ"ך וברית חדשה בתרגום דליטש

¹ ה֧וֹי חֹֽשְׁבֵי־אָ֛וֶן וּפֹ֥עֲלֵי רָ֖ע עַל־מִשְׁכְּבוֹתָ֑ם בְּא֤וֹר הַבֹּ֨קֶר֙ יַעֲשׂ֔וּהָ כִּ֥י יֶשׁ־לְאֵ֖ל יָדָֽם׃

מיכה 2:1 הפניות הצלבה

בראשית 31:29

ישׁ לאל ידי לעשׂות עמכם רע ואלהי אביכם אמשׁ אמר אלי לאמר השׁמר לך מדבר עם יעקב מטוב עד רע׃

מלכים א 21:7

ותאמר אליו איזבל אשׁתו אתה עתה תעשׂה מלוכה על ישׂראל קום אכל לחם ויטב לבך אני אתן לך את כרם נבות היזרעאלי׃

אסתר 3:8

ויאמר המן למלך אחשׁורושׁ ישׁנו עם אחד מפזר ומפרד בין העמים בכל מדינות מלכותך ודתיהם שׁנות מכל עם ואת דתי המלך אינם עשׂים ולמלך אין שׁוה להניחם׃

אסתר 5:14

ותאמר לו זרשׁ אשׁתו וכל אהביו יעשׂו עץ גבה חמשׁים אמה ובבקר אמר למלך ויתלו את מרדכי עליו ובא עם המלך אל המשׁתה שׂמח וייטב הדבר לפני המן ויעשׂ העץ׃

אסתר 9:25

ובבאה לפני המלך אמר עם הספר ישׁוב מחשׁבתו הרעה אשׁר חשׁב על היהודים על ראשׁו ותלו אתו ואת בניו על העץ׃

איוב 15:35

הרה עמל וילד און ובטנם תכין מרמה׃

איוב 24:14

לאור יקום רוצח יקטל עני ואביון ובלילה יהי כגנב׃

תהלים 36:4

(36:5) און יחשׁב על משׁכבו יתיצב על דרך לא טוב רע לא ימאס׃

תהלים 36:5

(36:6) יהוה בהשׁמים חסדך אמונתך עד שׁחקים׃

תהלים 58:3

(58:4) זרו רשׁעים מרחם תעו מבטן דברי כזב׃

משלי 12:2

טוב יפיק רצון מיהוה ואישׁ מזמות ירשׁיע׃

משלי 14:22

הלוא יתעו חרשׁי רע וחסד ואמת חרשׁי טוב׃

משלי 3:27

אל תמנע טוב מבעליו בהיות לאל ידיך לעשׂות׃

משלי 4:16

כי לא ישׁנו אם לא ירעו ונגזלה שׁנתם אם לא יכשׁולו׃

ישעיה 29:20

כי אפס עריץ וכלה לץ ונכרתו כל שׁקדי און׃

ישעיה 3:14

יהוה במשׁפט יבוא עם זקני עמו ושׂריו ואתם בערתם הכרם גזלת העני בבתיכם׃

ישעיה 32:7

וכלי כליו רעים הוא זמות יעץ לחבל ענוים באמרי שׁקר ובדבר אביון משׁפט׃

ישעיה 5:8

הוי מגיעי בית בבית שׂדה בשׂדה יקריבו עד אפס מקום והושׁבתם לבדכם בקרב הארץ׃

ישעיה 59:3

כי כפיכם נגאלו בדם ואצבעותיכם בעון שׂפתותיכם דברו שׁקר לשׁונכם עולה תהגה׃

ירמיה 18:18

ויאמרו לכו ונחשׁבה על ירמיהו מחשׁבות כי לא תאבד תורה מכהן ועצה מחכם ודבר מנביא לכו ונכהו בלשׁון ואל נקשׁיבה אל כל דבריו׃

יחזקאל 11:2

ויאמר אלי בן אדם אלה האנשׁים החשׁבים און והיעצים עצת רע בעיר הזאת׃

יחזקאל 33:26

עמדתם על חרבכם עשׂיתן תועבה ואישׁ את אשׁת רעהו טמאתם והארץ תירשׁו׃

יחזקאל 38:10

כה אמר אדני יהוה והיה ביום ההוא יעלו דברים על לבבך וחשׁבת מחשׁבת רעה׃

יחזקאל 46:18

ולא יקח הנשׂיא מנחלת העם להונתם מאחזתם מאחזתו ינחל את בניו למען אשׁר לא יפצו עמי אישׁ מאחזתו׃

מיכה 6:12

אשׁר עשׁיריה מלאו חמס וישׁביה דברו שׁקר ולשׁונם רמיה בפיהם׃

נחום 1:11

ממך יצא חשׁב על יהוה רעה יעץ בליעל׃

זכריה 7:10

ואלמנה ויתום גר ועני אל תעשׁקו ורעת אישׁ אחיו אל תחשׁבו בלבבכם׃

דברים 28:32

בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃